اسرائیلنینگ تهران ده صداوسیما بناسیگه اویوشتیرگن هجومی نتیجهسیده، بو ییتکرمهنینگ یرهلنگن ایکی ایشلاوچیسی، جانلرینی قولدن بیرگنلر.
ایرنا آژانسینینگ بوگون (۲۷-جوزا، سهشنبه)، گزارش بیریشیچه، مذکور ییتکرمهنینگ باش محرری نیما رجبپور و خبر خادمی معصومه عظیمی، جدی شکلده جراحت کوتارگنلری سبب اولگنلر.
بیزلرنینگ «ایکس» ترماغی ده هم تعقیب قیلینگ!
اسرائیل، ۲۶-جوزا، دوشنبه کونی آخشم چاغی صدا و سیما بناسینی راکته هجوم بیلن نشانگه آلگن.
ایران ییتکرمهلری آرقهلی ترقهتیلگن ویدیو گه کوره، خبر استدویوسیده بیر عیالنینگ صحبت قیلیشی جریانیده پارتلش سیسی ایشیتیلیب و کیین ایسه جانلی یایین کیسیلگن.
بیزلرنینگ فیسبوک صحیفهمیزگه باش اورینگ!
بو هجومدن کیین، اسرائیلنینگ مدافعه کوچلری اکس اجتماعی ترماغیده بیر بیانیه آرقهلی، صدا و سیما بناسینینگ «حربی مقصدلر» اوچون فایدهلنیشینی ادعا قیلیب و انه شوو سبب، نشانگه آلینگنینی بیلدیرگن.
