اوکراین ده اودسا منطقه قوماندانی اوله کیپرنینگ اعلام قیلیشیچه، پنجشنبه دن جمعه گه اوتر کیچه اوشبو منطقهده خارجی ایکی کیمه، روسیهنینگ پهپادی هجومی بیلن نشانگه آلینگن.
رویترز آژانسینینگ بوگون (۲۹-حوت، ۲۰-مارچ، جمعه)، اوله کیپردن نقل قیلیب یازیشیچه، اودسانینگ جنوبی منطقهسیده خارجی بیرق بیلن تجاری ایکی کیمه، روسیه آرقهلی نشانگه آلینیب و زیان کورگن.
اودسا منطقه قوماندانینینگ ایتیشیچه، پالائو و باربادوس بیرقی آستیدهگی مذکور ایکی تجاری کیمه، توختهب و غله یوکلماقده ایکن.
اونگه کوره، اویوشتیریلگن مذکور هجوم نتیجهسیده، ایکی کیشی یرهلهنیب و شونینگدیک غلهلرنینگ بیر انباری همده اداری بنالر زیان کورگن.
روسیه ۲۰۲۲-ییل ۲۴-فبروری اوکراین گه هجوم قیلیب و ایکی مملکت آرهسیدهگی توقنشوولر، دنیا ایکینچی اوروشیدن کیین اروپانینگ اینگ اولیملی و بویوک اوروشیگه اَیلنگن.
