غزنی ولایتی قرهباغ تومنیده یوز بیرگن ترافیکی حادثه نتیجهسیده، ۲۰ کیشی اولیب و یرهلنگن.
غزنی امنیه قوماندانلیگی سوزلاوچیسی خالد سرحدینینگ ایتیشیچه، مذکور حادثه بوگون ایرتهلب (۴-عقرب، یکشنبه)، اوشبو ولایت قرهباغ تومنینینگ «بازار عسکرکوک» ساحهسیده، یوز بیرگن.
جناب سرحدینینگ کوپهیتیریشیچه، «هایلکس» رسوملی بیر موتر بیلن «مازدا» رسوملی بیر موترنینگ توقنشووی نتیجهسیده یوز بیرگن اوشبو ترافیکی حادثهده، تورت کیشی اولیب، بالهلر و عیاللر شامل ۱۶ کیشی یرهلنگن.
غزنی امنیه قوماندانلیگی سوزلاوچیسیگه کوره، مازدا رسوملی موتر یولاوچیلری، قوشنی مملکتلردن قیتیب کیلگن یولاوچیلردن بولیب، قندوز ولایتیگه بارماقچین ایکنلر.
ایتیلیشچه، اولگن تورت کیشی هایلکس رسوملی موتر یولاوچیلری و یرهلنگنلر ایسه مازدا رسوملی موتر یولاوچیلری بولیب، دوالنیش مقصد کسلخانه گه انتقال بیریلگنلر.
