تورکیه تشقی ایشلر وزیری هاکان فیداننینگ اعلام قیلیشیچه، مملکتی اسرائیل بیلن برچه اقتصادی و سودا علاقهلرینی کیسیب و اسرائیل اوچاقلریگه اوز هوا حریمینی یاپگن.
خلقارا ییتکرمهلرنینگ بوگون (۸-سنبله، شنبه)، گزارش بیریشیچه، فیدان غزه اوروشی توغریسیدهگی تورکیه پارلمانینینگ فوقالعاده ییغیلیشیده، شونینگدیک اسرائیل کیمهلرینینگ تورکیه بندرلریده توختهش حقیگه ایگه ایمسلیگی نی بیان قیلگن.
فیداننینگ کوپهیتیریشیچه: «اسرائیل اوتگن ایکی ییلده غزه ده نسلکشلیک قیلیب و دنیانینگ کوزی برابریده دستلبکی انسانی ارزشلرگه اعتبار قرهتمهگن.»
بیزلرنینگ فیسبوک صحیفهمیزگه باش اورینگ!
تورکیه، اوتگن ییلی می آییدن اسرائیل بیلن توغری سودا علاقهلرینی توختهتیب، دایمی آتیش کیسین و تیزلیک بیلن غزه گه انسانسیورلیک یاردملرنینگ یوباریلیشینی ایستهگن ایدی. ۲۰۲۳-ییلده ایکی مملکت آرهسیدهگی سودا المشووی، قریب ۷ میلیارد دالر ایکن.
تورکیه جمهور باشلیغی رجب طیب اردوغان، نیچه مرته غزه ده اسرائیل اوروشینی «نسلکشللیک» دیب و اسرائیل باشوزیری بنیامین نتانیاهو نی هیتلر بیلن مقایسه قیلگن.
تورکیه و اسرائیل علاقهلری ۲۰۱۰-ییلدن و تورکیه یشاوچیلردن ۱۰ تهسینینگ اولیمیگه سبب بولگن غزهنینگ یاردم کاروانیگه اسرائیلنینگ اولیملی هجومیدن کیین، جدی بیر شکلده بوزیلگن.
