تورکیه دولت رهبری رجب طیب اردوغان ایکّی کونلیک سفرده پاکستان پایتختی اسلامآباد گه یېتیب بارگن.
پاکستان تایمیز یېتکرمهسی گه کوره، رجب طیب اردوغان ۲۴-دلو، چهارشنبه کونی ایکّی کونلیک رسمی سفرده اسلامآباد گه باریب و اوشبو مملکتنینگ جمهور باشلیغی آصف علیزرداری، باش وزیر شهباز شریف و باشقه ییریک رسمیلری تامانیدن کوتیب آلینگن.
بیزلرنینگ فیسبوک صحیفهمیزگه باش اورینگ!
اوشبو سفر دایرهسیده، رجب طیب اردوغان و شهباز شریفنینگ قۉشمه باشچیلیگیده پاکستان-تورکیه استراتیژیک همکارلیک عالی کینگشی ییتّینچی ییغیلیشی اوتکزیلیشی کوتیلهدی.
بو سفردن مقصد، اسلامآباد و انقره اورتهسیدهگی همکارلیکلرنی آشیریش و مستحکملش دیېلگن.
اردوغان آسیا مملکتلری گه سفری دایرهسیده پاکستان گه بارگنی اېتیلهدی، بوندن آلدین مالزیا و اندونیزیا گه سفر قیلگن اېدی.
بیزلرنینگ «ایکس» ترماغی ده هم تعقیب قیلینگ!
تورکیه جمهور باشلیغی و پاکستان باش وزیری ایکّی مملکت سرمایه یاتقیزووچیلرینینگ حضوری بیلن اوتکزیلیشی ریجهلشتیریلگن پاکستان-تورکیه سودا و سرمایه یاتقیزیش ییغیلیشیده نطق سۉزلشلری کوتیلهدی.
