تورکیه تشقی ایشلر وزیرلیگی، اکس صحیفهسیده بیر بیانیه ترقهتیب اعلام قیلیشیچه، امریکا آرقهلی ایران هستهای قوریلمهلریگه اویوشتیریلگن هجوملر، منطقهده اوروش و امنیتی ثباتسیزلیکنی کوپهیتیرهدی.
بیانیهده کیلیشیچه، تورکیه بوندن آلدین هم نیچه مرته منطقهده اسرائیلنینگ هجوملری خوفی و اونینگ احتمالی عاقبتلری توغریسیده آگاهلنتیرگن و امریکا بوگون (۱-سرطان، یکشنبه)، ایران هستهای قوریلمهلریگه هجوم اویوشتیریش بیلن، خواطرلر همده بو خوفنی آشیرگن.
بیزلرنینگ فیسبوک صحیفهمیزگه باش اورینگ!
تورکیه تشقی ایشلر وزیرلیگی، ایران هستهای قوریلمهلریگه امریکا هجومینینگ احتمالی عاقبتلریدن خواطر بیلدیریب و اورغولشیچه، اوشبو اوزگریشلر منطقهای کیسکینلیکلرنی دنیا بویلب آشیریشیگه سبب بوله آلهدی. «بو فاجعهلی سناریونینگ حقیقتگه اوزگریشینی ایستمهیمیز.»
بو بیانیهده، تامانلردن مسئولیت بیلن حرکت قیلیش، تیزلیک بیلن اوز ارا هجوملرنی توختهتیش و کوپینچه کیشینینگ قربانی بولیشی همده ویرانلیککه سبب بولیشی ممکن بولگن حرکتلردن واز کیچیشلری، سورهلگن.
بیزلرنینگ «ایکس» ترماغی ده هم تعقیب قیلینگ!
مذکور بیانیهنینگ بیر بولیمیده کیلیشیچه، ایراننینگ هستهای برنامهسیگه تیگیشلی اختلافلر یالغیز مذاکره و صحبت یولی آرقهلی حل بوله آلهدی. شونینگدیک تورکیه خلقارا همجمعیتدن تامانلر آرهسیده دیپلماتیک بیر حل یول گه ییتیشیش اوچون سعیوحرکتلرنینگ قوللب-قوتلشینی ایستهگن.
تورکیه تشقی ایشلر وزیرلیگی، بیانیه آخریده بو مملکتنینگ اوز زمهسیدهگی مسئولیتنی بجریش همده منطقهوی تینچلیک و برقرارلیک توغریسیده فایدهلی رول اوینهشگه تیارلیگینی بیلدیرگن.
