امریکا تشقی ایشلر وزیرلیگینینگ اعلام قیلیشیچه، دونالد ترامپنینگ جمهورلیک ریاستیگه قیتیشی بیلن، ۱۰۰مینگدن آرتیق ویزا بیکار قیلینگن.
بو وزیرلیک، اوتگن کون کیچ قورون (۲۲-جدی/ ۱۲-جنوری، دوشنبه)، اکس صحیفهسیده یازیشیچه، بیکار قیلینگن ویزالر سکیز مینگ طلبه و ایکی ۵۰۰ ملکهلی ایش کوچیدن عبارت دیر.
امریکا تشقی ایشلر وزیرلیگیگه کوره، مذکور ویزالرنینگ کته قسمی «جنایت فعالیتلریگه علاقهدار حالده قانون اجراچیلری بیلن توقنشوو» سبب بیکار قیلینگن.
ترامپ دولتی، ویزه بیریش و اوزهیتیریش بوییچه قتیقراق سیاستلرنی جاری ایتیب و طلبگارلرنینگ تیکشیریلیش جریانی جملهدن اولرنینگ اجتماعی ترماقلردهگی فعالیتینینگ کوزهتیلیشینی کوچهیتیرگن.
بوندن آلدین، ۲۰۲۵-ییل نومبر آییده امریکا تشقی ایشلر وزیرلیگی، ترامپنینگ ایشگه باشلشیدن بویان مهاجرت گه عاید بولمهگن قریب ۸۰ مینگ ویزانینگ مست حالده هیداوچیلیک، کلتکلش و اوغیرلش کبی سببلرگه بیکار قیلینگنینی معلوم قیلگن ایدی.
دونالد ترامپ، ۲۰۲۴-ییل سیلاو کمپاینی جریانیده، «امریکا تاریخی بوییچه جنایتچیلرنی چیقریش اینگ بویوک دستوری» نینگ عملگه آشیریش توغریسیده سوز بیرگن ایدی که بو سوز، حاضر دولتینینگ مهاجرت سیاستی اصلی موضوعلریدن بیریگه اوزگرگن.
