امریکا جمهور باشلیغی دونالد ترامپ، نیکلاس مادورو قولگه آلگینگنیدن کیین اعلام قیلیشیچه، امریکا «ونزویلانینگ باشقریش» مسئولیتینی بوینیگه آلهدی و بو وضعیت، «تینچ، درست و توشونیلگن سیاسی اوزگریش» عملگه آشیریلیشیگه قدر دوام قیلهدی.
ترامپ، بو سوزلرنی خبری کنفرانسده بیان قیلیب و ایتیشیچه، واشینگتن اوتگن ییللرنینگ تکرارلنیشیگه سبب بولهدیگن بیر شکلده، ونزویلا ده قدرتنینگ اوتیشینی ایستمهیدی.
بو سوزلر، امریکا کوچلری آرقهلی ونزویلا گه هوا هجوملری اویوشتیریلگنی و بو مملکت جمهور باشلیغی نیکلاس مادورو بیلن اونینگ تورموش اورتاغی سیلیا فلورس قولگه آلینگنیدن کیین، بیان بولگن.
امریکا دولتی، مادورونینگ قوشمه ایالتلری محکمهلریده بنگیوار مادهلر قاچاقی و «نارکو تروریزم» گه تیگیشلی آغیر عیبلر بیلن روپهره بولیشینی معلوم قیلگن.
امریکا ییتکرمهلری گزارشی اساسیده، مادورو قولگه آلینیشدن کیین قوشمه ایالتلری گه انتقال بیریلیب و تیزلیکده منهتن فدرال محکمهسیگه حاضر بولیشی کوتیلهدی. ترامپ دولتی بو اقدامنی قانونی بیلهدی؛ بیراق تنقید قیلووچیلر اونی خلقارا حقوقنی بیللی شکلده بوزیش دیگنلر.
شوندهی بیرحالده، خلقارا عکسالعمللر تیز بیرشکلده کوپهیگن. مملکتلردن قطارینینگ رهبرلری و بیرلشگن ملتلر تشکیلاتلری رسمیلری، امریکا حرکتینی «ناقانونی آدم اوغیرلش» دیب و خلقارا مناسبتلرده خوفلی بیر واقعه یرهتیلیشیدن آگاهلنتیرگن.
شونینگدیک ونزویلا ده کیسکینلیکلر کوپهیگن. اوشبو مملکت مدافعه وزیری بیر بیانیه صادر قیلیش بیلن اعلام قیلیشیچه، ونزویلا تسلیم بولمهیدی و مستقللیگینی مذاکره قیلینهدیگن دیب حسابلمهیدی. شو بیلن بیرگه، مادورو دولتی رسمیلری، اونینگ تیزلیک بیلن آزاد بولیشینی ایستهب و اورغولشیچه، مملکتنینگ یگانه قانونی جمهور باشلیغی نیکلاس مادورو دیر.
