امریکا قۉشمه ایالتلری جمهور باشلیغی دونالد ترامپ، ضرورت بولگن حالده، ېنه هم ایران گه حربی هجوم قیلیشی حقیده آگاهلنتیردی.
ترامپ، بوگون (۳۱-سرطان، سهشنبه) تروث سوشال اجتماعی ترماغیده، ېنه بیر مرته ایراننینگ هستهای سایتلری یوق قیلینگن سۉزلرینی تکرار قیلیب و ضرورت بولگن حالده، ایران گه حربی هجوم قیلیش گه تیارلیگینی بیلدیرگن.
بیزلرنینگ فیسبوک صحیفهمیزگه باش اورینگ!
دونالد ترامپ، ایران تشقی ایشلر وزیری سید عباس عراقچینینگ بیاناتی گه مناسبت بیلدیریب، ایراننی حربی هجوم بیلن تهدید قیلگن.
ایران تشقی ایشلر وزیری سیدعباس عراقچی، امریکا فاکسنیوز بیلن اۉتکزگن صحبتیده، ایراننینگ هستهای دستوری امریکا و اسرائیلنینگ هجوملری طفیلی آغیر ضرر کورگنی اوچون توختهگنینی بیلدیریب و بو مملکت اورانیومنی باییتیشدن واز کیچمسلیگینی اېتگن.
بیزلرنینگ «ایکس» ترماغی ده هم تعقیب قیلینگ!
ترامپ تروث سوشال اجتماعی ترماغیده یازیشیچه: «ایران تشقی ایشلر وزیری عباس عراقچی بو مملکت هستهای سایتلری یوق قیلیندی دیگن، هه شوندهی یوق قیلینگن… مین هم شوندهی دیگن اېدیم و اگر ضرورت بولگن تقدیرده تکرار قیلهمیز.»
میلادی ۲۰۲۵-ییل، ۲۱-جون، امریکا B-2 بمب تشلاوچی اوچاقلری آرقهی ایراننینگ اصفهان، نطنز و فردو دهگی هستهای سایتلرینی نشانگه آلدی، بیراق اوشبو سایتلر گه یېتکزیلگن ضرر مقداری حقیده ترامپ و امریکا عملدارلری فرقلی فکر بیلدیرگن.
