تورکیهنینگ دنیزلی شهریده یوز بیرگن ترافیکی حادثه نتیجهسیده، ۱ باله شامل ۸ کیشی اولیب و ۳۳ کیشی یرهلنگن.
آناتولی آژانسینینگ بوگون (۱۰-جوزا/ ۳۱-می، یکشنبه)، گزارش بیریشیچه، مذکور حادثه یولاوچی تاشووچی بیر اوتوبوسنینگ سرک چیکهسیدهگی توسیقلرگه تیگیب و آلاو آلگنی نتیجهسیده، یوز بیرگن.
گزارش اساسیده، اوشبو ترافیکی حادثه دنیزلی-آیدین قتناو یولیده یوز بیریب و اوتوبوس جدی شکلده سرک چیکهسیدهگی توسیقلر بیلن توقنشگنی سبب، آلاو آلگن.
مذکور اوتوبوس ازمیر دن آنتالیا تامان حرکتده ایکن. بو حادثه نتیجهسیده یرهلنگنلر کسلخانهلرگه انتقال بیریلگن.
ایتیلیشچه، محلده یاردم بیریش و قوتقریش تیملر ایشی یکونلهنیب، دنیزلی قتناو یولی ۴ ساعت ترافیک یوزیگه یاپیق قالگنیدن کیین قیته آچیلگن.
