غزنی و سمنگان ولایتلری محلی مسئوللری، اوشبو ولایتلرده علیحده ترافیکی حادثهلر عاقبتیده ایککی کیشی قربان بولیب و باشقه ۲۲ کیشی یرهلنگنیدن خبر بیرهدیلر.
غزنی امنیه قوماندانلیگی سۉزلاوچیسی خالد سرحدی، سلاموطندار بیلن اۉتکزگن صحبتیده، بو واقعه ۲۵-جوزا، یکشنبه کونی یوز بیرگنینی معلوم قیلگن.
بیزلرنینگ «ایکس» ترماغی ده هم تعقیب قیلینگ!
اونگه کوره، غزنی ولایتی آببند تومنی «سپینبند» حدودلری کابل-قندهار قتناو یولیده تیل «تانکری» رسوملی موتر بیلن یولاوچی تاشووچی بیر موتر و «ریکشا» توقنشووی سبب، ریکشا هیداوچیسی شامل ایککی کیشی قربان بولیب و باشقه ۹ کیشی یرهلنگن.
شونینگدیک، سمنگان ولایتی امنیه قوماندانلیگی سۉزلاوچیسی حشمتالله رحمانی، بو ولایتنینگ خُلم تومنیده ایککی علیحده ترافیکی حادثهده ۱۳ کیشی یرهلنگنینی اېتگن.
اونینگ کوپهیتیریشیچه، بیرینچی واقعه ۲۴-جوزا، شنبهدن یکشنبه گه اوتر کیچه خلم تومنی «کابل بانک تیل تانکی» حدودلریده «بالینو» رسوملی بیر موتر بیلن «اسکواتر» رسوملی موترنینگ توقنشوویده اوچ کیشی یرهلنگن.
بیزلرنینگ فیسبوک صحیفهمیزگه باش اورینگ!
ایککینچی واقعه، ۲۵-جوزا، یکشنبه کونی بلخ-سمنگان قتناو یولی حدودلری خواجه غائب منطقهسیده «کرولا» رسوملی بیر موترنینگ «لند کروزر» رسوملی بیر موتر بیلن توقنشووی عاقبتیده ۱۰ کیشی یرهلنگنینی معلوم قیلهدی، سمنگان ولایتی امنیه قوماندانلیگی سۉزلاوچیسی حشمتالله رحمانی.
اوشبو واقعهلر، هیداوچیلرنینگ تیز هیدهشی و دقتسیزلیگی سبب یوز بیرگنی اېتیلهدی.
