بلخ ده خوفسیزلیک مسئوللرینینگ ایتیشلریچه، اوشبو ولایتده یوز بیرگن ترافیکی حادثه نتیجهسیده، اوچ کیشی اولیب و تورت کیشی ایسه یرهلنگن.
بلخ امنیه قوماندانلیگی سوزلاوچیسی محمدعیسا وثیقنینگ ایتیشیچه، اوشبو حادثه بوگون ایرتهلب (۳-سنبله، دوشنبه)، حیرتان-مزارشریف قتناو یولیده یوز بیرگن.
جناب وثیقنینگ کوپهیتیریشیچه، مذکور ترافیکی حادثه «پیکنیک» رسوملی بیر موترنینگ سرکدن چیقیب و چپه بولگنی نتیجهسیده یوز بیرگن.
بلخ امنیه قوماندانلیگی سوزلاوچیسیگه کوره، یرهلنگنلر دوالنیش مقصد ابوعلی سینای بلخی حوزهای کسلخانهگه انتقال بیریلگن.
اوشبو حادثه سببی هیداوچینینگ تیز هیدهشی و احتیاطسیزلیگی دییلگن.
ایتیش کیرهک که، سونگی کونلر مملکتنینگ قطار ولایتلریده ترافیکی حادثهلر یوز بیریشی کوپهیب، ۱۰۰دن آرتیق کیشینینگ اولیب و یرهلنیشیگه سبب بولگن.
