ولایتلردن قطاریده سونگی سووتاشقینلردن زیان کورگنلر، وضعیتلریگه ییتیشیش بوییچه توجهسیزلیکدن شکایت قیلیب و ایتیشلریچه، سوو تاشقینی یوز بیرگنیدن نیچه هفته اوتگنی بیلن؛ بیراق حاضرگچه نابیللی بیر وضعیت گه قالیب و حیات نینگ دستلبکی امکانیتلریدن فایدهلنه آلمهیدیلر. اولر نینگ کوپهیتیریشلریچه، باشپنهسیزلیک، آزیق-آوقت محصولاتی بیلن ایچیملیک سوو یوقلیگی اوزلری و بالهلرینی کسل قیلگن.
غور مرکزی فیروزکوه شهری یشاوچیسی یارمحمد نینگ ایتیشیچه، سونگی سوو تاشقینلرده برچه نرسهسی نی قولدن بیریب و حاضر نابیللی بیر وضعیت بیلن روپهره بولگن.
اونینگ کوپهیتیریشیچه: «نه سوویمیز بار و نه نانیمیز. سیل برچه نرسهمیز نی آلیب کیتدی، حاضر یامان بیر وضعیت گه قالگنمیز؛ حاضر قویاش آستیده ایسیق هواده قالگنمیز و کیچه هم ساووق هواده. بیر ایکی کیشی نی یوبارسینلر مه وضعیتیمیز نی کورسینلر؛ بالهلریم توپراق ایچیده آچیلیک و سووسیزلیکدن کسل بولگنلر.»
بیزلرنینگ فیسبوک صحیفهمیزگه باش اورینگ!
فاریاب ولایتی بلچراغ تومنی یشاوچیسی نوید نینگ ایتیشیچه: «بیش اوی میز و ۲۶ نانخوریمیز بار. هیچ نرسه قالمهگن، برچه نرسهمیزنی سیل آلیب کیتگن. اوشبو مسلمانلر یاردمی بیلن بیران نرسه ییهمیز و حیاتیمیز نی کیچیرهمیز.»
شونینگدیک بدخشان ولایتی درایم تومنی یشاوچیسی احمدجاوید نینگ ایتیشیچه، بو ولایتده یوز بیرگن سوو تاشقینلردن زیان کورگنلر، عاجل انسانپرورلیک یاردملر گه نیازلری بولیب و مذکور یاردملر تیزلیککه اولر اختیاری گه قرار تاپیشی کیرهک.
اونینگ کوپهیتیریشیچه: «کوپینچه کیشی نینگ حتا کیچه نانی یوق؛ اهالی نینگ وضعیتی جودهیم خراب دیر. آزیق-آوقت محصولاتی گه نیازلری بار. آته قشاق بولگنیده بالهلر قندهی نیازلری نی حل قیلسینلر. اهالی روحی و روانی قیینچیلیکلر گه روپهره بولگن.»
سوو تاشقینیدن زیان کورگنلر حیات نینگ دستلبکی امکانیتلری گه قول تاپه آلمسلیکدن شکایت قیلگنلری بیرحالده، خلقارا ساغیلقنی سقلش تشکیلاتی، خلقارا آزیق-آوقت دستوری و افغانستان ده بیرلشگن ملتلر تشکیلاتی نینگ بالهلردن حمایت قیلووچی صندیغی (یونیسف)، بوگون ایری بیر گزارش ترقهتیش بیلن افغانستان ده سوو تاشقینلرنی بحرانی دیب و اولر نینگ نیازلری گه ییتیشیش اوچون دنیا شاشلینچ یاردملرینی ایستهگن.
بیرلشگن ملتلر تشکیلاتی نینگ بالهلردن حمایت قیلووچی صندیغی گزارشی نینگ بیر بولیمیده کیلیشیچه، افغانستان ده سوو تاشقینلر اونلب مینگ باله حیاتی نی تهدید بیلن روپهره قیلگن.
بیزلرنینگ «ایکس» ترماغی ده هم تعقیب قیلینگ!
مذکور نهاد نینگ کوپهیتیریشیچه: «افغانستان بویلب اینیقسه بو مملکت شمالی قسمیده جایلهشگن ولایتلر جمله بغلان و بدخشان شونینگدیک غربی غور ولایتیده، اونلب مینگ باله حاضر هم سوو تاشقینلری تاثیری آستیده دیر. یونیسف و بو توغریده فعال بولگن باشقه تشکیلاتلر بو تاثیراتلرنی آزهیتیریش اوچون کیینگراق عمل قیلیشلری کیرهک.»
شونینگدیک خلقارا ساغلیقنی سقلش تشکیلاتی گزارشیده کیلیشیچه، افغانستان ده سونگی سوو تاشقینلرده ۵۰۰۰دن آرتیق عایله آواره بولیب و ۷مینگ ۸۰۰ یشش اوی ویران بولگن.
بولر گه علاوه، بیرلشگن ملتلر تشکیلاتی نینگ خلقارا آزیق-آوقت دستوری بوگون سوو تاشقینلردن زیان کورگنلر گه ییتیشیش اوچون، کیلهسی ۷ آیده ۱۴ میلیون ۵۰۰ مینگ دالر گه نیاز بولگنی نی اعلام قیلگن.