سوداگرلر و یشاوچیلردن بیرقطاری نینگ ایتیشلریچه، پاکستان تامانیدن تورخم بندری یاپیلیشی باعث کوپ مالی زیان کوریب و ایریم قیینچیلیک‌لر بیلن روپه‌ره بولگنلر. اوشبو بندر تورت کوندن بیری یولاوچیلر و سوداگرلیک توارلر یوزی گه یاپیلگن.
اولر گه کوره، نه فقط کسل‌لر پاکستان گه سفر قیله آلمه‌یدیلر، بلکه کوپ سانده سوداگرلر نینگ توارلری چیگره بو تامانی گه بند قالیب و اولر کوپ زیان کوریشگن.
بیزلرنینگ فیسبوک صحیفه‌میزگه باش اورینگ!
کسلینی دوالش اوچون پاکستان گه یوللنگن افغانستان یشاوچیلریدن سالارزی نینگ ایتیشیچه: «کسلیم بار، پاکستان گه باریشنی ایستر ایدیم، بیراق یول توسیلگن و بو ییرده تورت کوندن بیری بند قالگن‌میز. یول آچیلمه‌گن تقدیرده، کوپ سانده یشاوچیلر قیینچیلیک بیلن روپه‌ره بوله‌دیلر.»
تورخم یولی ده هیداوچیلردن بیری محمدآصف گه کوره، یول توسیلیشی طفیلی موتری گه یوکلنگن «اوزوم» سَسیماقده دیر، بو مسئله اونگه کوپ زیان ییتکیزیشی ممکن.
او نینگ ایتیشیچه: «کوپ زیان کورگن‌میز، تورت کوندن بیری بو ییرده میز، ماللریمیز سَسیماقده دیر. یول آچیلمه‌گن تقدیرده کوپ زیان کوره‌میز.»
عین‌حالده، ننگرهار محلی رسمی‌لری نینگ ایتیشلریچه، تورخم بندری یاپیلیشی باعث سوداگرلر و یشاوچیلر ایریم قیینچیلیک بیلن روپه‌ره بولیشگن؛ اوشبو قیینچیلیک حلی اوچون تورخم کمیساری گه قوشیمچه، پاکستان و اسلام امیرلیگی رسمی‌لری مذاکره قیلماقده‌لر.
ننگرهار معلومات و مدنیت ریاستی نینگ اطلاعات آمری قریشی بدلون گه کوره، میوه و سبزه‌وات یوکلنگن اونلب موتر ننگرهار گه قیتیریلگن و اولر نینگ ماللری لیلام قیلینگن.
بیزلرنینگ توییترده هم تعقیب قیلینگ!
او نینگ ایتیشیچه: «اوشبو قیینچیلیک حلی اوچون مذاکره قیلینماقده. تورخم بندری ده بند قالگن میوه‌لر سسیماقده ایدی ننگرهار ده لیلام قیلینگن. بو قیینچیلیک تیزلیک بیلن حل بولیب و وضعیت عادی حالتی گه قیتیش گه امیدوار میز.»
باشقه تاماندن، پاکستان ده افغانستان ایلچیسی سردار احمد شکیب گه کوره، تورخم بندری آچیلیشی اوچون پاکستان رسمی‌لری بیلن صحبت قیلگن.
پاکستان ده افغانستان ایلچیخانه‌سی نینگ ایتیشیچه، شکیب جنابلری پاکستان نینگ افغانستان ایشلری بوییچه مخصوص نماینده‌سی آصف درانی بیلن اوچره‌شووی ده، تورخم بندری یاپیلیشینی ایکی مملکت زیانی گه دیگنلر.
