تورخم بندری افغانستان و پاکستان چېگره‌چیلری اورته‌سیده‌گی توقنشوو باعث یاپیلگندی، ۲۶ کوندن سۉنگ قیته آچیلگن.
تورخم بندری، ایکّی مملکت رسمی‌لری‌نینگ کېتمه-کیت مذاکره‌لریدن کېین بوگون (۲۹-حوت، چهارشنبه) توش‌دن سۉنگ یوک تاشووچی و کسللر یوزیگه آچیلگن.
بیزلرنینگ فیسبوک صحیفه‌میزگه باش اورینگ!
مذکور بندر آچیلگنیدن کېین اجتماعی ترماق‌لرده ترقه‌لگن ویدیولر، چېگره ایکّی تامانیده‌گی یوک تاشووچی موترلر افغانستان و پاکستان توپراغی گه کېرگن و بو ایکّی تامانلمه تجارت قریب بیر آی تنفس‌دن سۉنگ قیته جان آلگنیدن درک بیره‌دی.
بوندن آلدین، ننگرهار معلومات و مدنیت ریاستی‌نینگ یېتکرمه‌لر بولیمی آمری صدیق‌الله قریشی سلام‌وطندار بیلن اوتکزگن صحبتیده، بو بندر ۲۶ کون یاپیق قالگنیدن سۉنگ، بوگون آچیلیشینی معلوم قیلگن اېدی.
بیزلرنینگ «ایکس» ترماغی ده هم تعقیب قیلینگ!
قرشی جنابلریگه کوره، پاکستان رسمی‌لری بوگون تورخم‌ده اسلام امیرلیگی کمیساری عبدالجبار حکمت بیلن بو توغریده ییغیلیش اوتکزیب، شرط‌سیز و نورمال شکلده تورخم ایشیگی‌نینگ بوتون اوتیب-قیتیش یوزیگه اچیلیشی گه کېلیشگن.
تورخم قتناو یولی، پاکستان و اسلام امیرلیگی اورته‌سیده‌گی چېگره توقنشوولر طفیلی قویاش ۱۴۰۳-ییل، ۳-حوت یاپیلدی. بوندن آلدین پاکستان تشقی ایشلر وزیرلیگی، چېگره‌ده اسلام امیرلیگی تامانیدن پسته قوریلیش توخته‌تیلمه‌گونچه، بو قتناو یول‌نینگ آچیلمسلیگی حقیده آگاه‌لنتیرگن اېدی.
