ننگرهار ییتکرمهلر ادارهسی، تورخم قتناو یولینینگ بوگون (۱۰-عقرب، شنبه)، مملکت گه قیتهدیگن عایلهلر یوزیگه آچیلیشینی معلوم قیلگن.
مذکور ادارهنینگ بیر بیانیه آرقهلی یازیشیچه، پاکستان حکومتی آرقهلی چیقریلگن یوزلب افغانستانلیک عایله، چیگره او تامانیده یامان بیر وضعیتده قرار تاپگن.
تورخم قتناو یولینینگ محلی رسمیلریگه کوره، چیگرهنینگ یاپیلگنی سبب افغانستانلیک قاچقینلر خیبرپشتونخواه ایالتیده، جمرود منطقهسیدهگی کمپده بولیب، دستبلبکی امکانیتلر یوقلیگی طفیلی جدی قیینچیلیکلر بیلن روپهرهلر.
بیانیهده کیلیشیچه، تورخم قتناو یولی یالغیز مملکت گه قیتهدیگن افغانستانلیک قاچقینلر اوچون آچیلیب و شونینگدیک تزانزیت همده باشقه یولاوچیلر یوزیگه یاپیق قالیشی ممکن.
اسلام امیرلیگی و پاکستان آرهسیدهگی سونگی توقنشوولردن کیین، مذکور ایکی مملکت بیلن بولگن برچه چیگره قتناو یوللری یاپیلگن.
