افغانستان ایشلری بوییچه امریکا نینگ مخصوص نماینده‌سی توماس وست، افغانستان حقیده تورلی مملکت‌لر رسمی‌لری بیلن اوچره‌شگنی دوامی‌ده، بو مرته اوزبیکستان ملی خوفسیزلیک کینگشی اورین‌باسری عبدالعزیز کاملوف و افغانستان اوچون مذکور مملکت مخصوص نماینده‌سی عصمت‌الله ایرگاشف بیلن، ایکی مملکت قوشمه منفعتلری و افغانستان مسئله‌لری خصوصیده اوچره‌شیب و صحبت قیلگن.
بوتوغریده افغانستان ایشلری بوییچه امریکا نینگ مخصوص نماینده‌سی اوز اکس صحیفه‌سیده یازیشیچه: «خورسند‌مین که واشنگتن ده اوزبیکستان ملی خوفسیزلیک کینگش اورین‌باسری کاملوف و افغانستان اوچون مذکور مملکت مخصوص نماینده‌سی ایرگاشف نی میزبان‌لیک قیلدیم تا کوپینچه قوشمه منفعتلر و افغانستان خصوصیده صحبت قیلسه‌ک.»
بیزلرنینگ «ایکس» ترماغی ده هم تعقیب قیلینگ!
خلق‌ارا رابطه‌لر بیلرمانلریدن قطاری اسلام امیرلیگی بیلن اوزبیکستان علاقه‌سی نی یخشی دیگنلری بیلن؛ لیکن مذکور مملکت نی اسلام امیرلیگی سیاست‌لری گه تاثیر قویه‌دیگن مملکت بیلمه‌ی و ایتیشلریچه، اوشبو اوچره‌شوولر کوپراق افغانستان توغریسیده منطقه‌ای هماهنگ‌لیک ایجاد قیلیش خصوصیده بولیشی ممکن.
بو توغریده خلق‌ارا رابطه‌لر بیلرمانلری اجمل زرمتی نینگ سلام‌وطندار گه ایتیشیچه: «یالغیز منطقه‌ای ثبت و شو رقم افغانستان توغریسیده منطقه‌ای بیر دیپلماسی تشکیل بولیشی اوچون کوپراق تاکید بولیشی ممکن.»
باشقه بیر تاماندن، بیلرمانلردن باشقه بیر قطاری افغانستان توغریسیده بو کبی اوچره‌شوولر و صحبت‌لر گه نسبت خواطرلری بار.
اولر افغانستان مسئله‌سیده شرق‌وغرب رقابت‌لری گه اشاره قیلیب و ایتیشلریچه، افغانستان غیابی‌ده بو کبی صحبت‌لر انه شوو رقابت‌لر اوچون صورت تاپیشی ممکن.
بیزلرنینگ فیسبوک صحیفه‌میزگه باش اورینگ!
بو توغریده سیاسی مسئله‌لر بیلرمانی اسلام‌الدین معارج نینگ ایتیشیچه: «افغانستان نینگ ملی منفعتی دایم شرق و غرب منفعتلری قربانی‌سی بولگن. بو اوچره‌شوولر و فارمت مسکو و شانگهای ییغینی کبی ییغین‌لردن کیین کوردیک که شرق و غرب افغانستان ده اوز منفعتی نی ایسته‌یدی.»
ایتیش کیره‌ک که، اوزبیکستن تشقی سیاستی‌ده کوپراق امریکا رقیبی روسیه بیلن هم‌جهت دیر و اوزبیکستان حاضر ایسه روسیه کبی افغانستان اسلام امیرلیگی بیلن نسبتاً یخشی‌راق رابطه‌سی بار.
