افغانستان ده عصیانچی گروه‌لر فعالیتی باعث تهدیدلر دوام ایتر ایکن، یک‌شنبه کونی، ۷ جوزا، تاجیکستان جمهور باشلیغی امام‌علی رحمان افغانستان چیگره یقینی، ختلان ولایتی «توس» شهری منطقه‌سیده ایکی ینگی پوسته ایجاد ایتگن.
تورت کون آلدین مینسک شهری ده، جمعی امنیت تشکیلاتی گه اعضا مملکت‌لر نینگ مدافعه وزیرلری، افغانستان ده عصیانچی گروه‌لر نینگ فعالیتیدن خواطر بیلدیرگن بیرحالده، تاجیکستان افغانستان چیگره یقینیده ایکی ینگی پوسته اورنتگنیدن خبر بیرگن.
بیزلرنینگ فیسبوک صحیفه‌میزگه باش اورینگ!
اسلام امیرلیگی، نیچه مرته افغانستان توپراغی امریکا شامل باشقه اولکه‌لر اوچون تهدید ایمسلیگیدن ایشانچ بیرگن بولسه ده، بیراق قوشنی مملکت‌لر اینیقسه تاجیکستان هردایم افغانستان ده‌گی وضعیت دن خواطر بیلدیرگن، اسلام امیرلیگی نینگ اوشبو ایشانچ‌لری حاضرگچه دنیا اولکه‌لری اینیقسه منطقه مملکت‌لر نینگ قانیقتیره آلمه‌گن.
حربی ایش بیلرمان سرور نیازی گه کوره: «حاضرگی حکومت باشقه اولکه‌لر اینیقسه قوشنی‌لری بیلن دیپلوماتیک مناسبت‌لرینی اساسی شکلده تأمینله‌ی آلمه‌دیلر و دیپلوماتیک مناسبت یوق‌لیگی باعث قوشنی اولکه‌لر افغانستان ده‌گی وضعیت دن خواطر ده‌لر.»
شونینگدیک، صادق شینواری نینگ ایتیشیچه: «افغانستان مسئوللری، قوشنی و منطقه مملکت‌لر نینگ خواطرلری گه دیالوک و مذاکره‌لر بیلن چیک قویشی کیره‌ک.»
ایش بیلرمان‌لر نینگ ایشانچی گه کوره، دنیا همجمعیت تامانیدن اسلام امیرلیگی تن آلینمسلیگی، خارجی سیاست‌سیزلیک و اسلام امیرلیگی حاکمیتی زمانیده داعش گروهی نینگ فعالیتی و هجومی باعث، دنیا اینیقسه افغانستان نینگ قوشنی اولکه‌لری، افغانستان ده عصیانچی گروه‌لر نینگ فعالیتیدن خواطرده‌لر.
سیاسی ایش بیلرمان میرویس آشفته گه کوره: «اوشبو خواطرلر گه چیک قوییش یگانه یول، خارجی سیاست‌نی مستحکم‌لش دیر، عکس حالده بولر نینگ سوزلری گه هیچ کیم ایشانمه‌یدی.»
بیزلرنینگ توییترده هم تعقیب قیلینگ!
عین‌حالده، اسلام امیرلیگی حاکمیتیدن کیین قوشنی اولکه‌لر سرپرست حکومت بیلن نسبی مناسبت‌لری گه دوام بیریشماقده ایکن، بیراق افغانستان بیلن چیگره حدودلریده دقت قیلیب و هردایم افغانستان ده عصیانچی گروه‌لر نینگ فعالیتیدن خواطر بیلدیریشگن.
ایتیش کیره‌ک که، اوتمیش گه نسبتن سونگی هفته‌لرده افغانستان ده داعش گروهی نینگ فعالیتی و هجوم‌لری سیزیلرلی درجه ده کمه‌یگن.