بلخ معارف ریاستی مسئوللری نینگ ایتیشلریچه، تیکا دفتری مالی حمایتی بیلن قوریلگن سکیز صنف‌لی بیر مکتب نینگ قوریلیش ایشی یکونلنیب و فایده‌لنیش گه تاپشیریلگن.
قریب ۳۰۰ مینگ دالر خره‌جت بیلن بلخ مرکزی مزارشریف شهری‌ده قوریلگن مذکور مکتب، بوگون (یکشنبه، ۸-میزان) آچیلیب و فایده‌لنیش گه تاپشیریلگن.
بیزلرنینگ فیسبوک صحیفه‌میزگه باش اورینگ!
افغانستان شمالی‌ده تورکیه همکارلیک و انسجام آژانسی یا-ده «تیکا» باشلیغی میکائیل تاش‌دیمیر نینگ ایتیشیچه، سکیز درسی صنف، یشیل ساحه و باله‌لر اوچون دم آلیش ساحه‌سیگه ایگه بولگن بو مکتب، مملکت معارفی ایسته‌گی بیلن قوریلگن.
میکائیل تاش‌دیمیر نینگ کوپه‌یتیریشیچه: «مذکور مکتب میز، چوکی، کمپیوتر و پروژکتور پرده‌سی کبی ستندرد تعلیمی جهازلر بیلن سکیز صنف، بیش اداری اتاققه ایگه دیر. شونینگدیک بو مکتب ۳۰۰ مینگ دالر خره‌جت کوتارگن.»
شونده‌ی بیرحالده، بلخ ده محلی مسئوللر مذکور مکتب نینگ قوریلگنی‌دن خورسند‌لیک قیلیب و ایتیشلریچه، تورکیه دایم تعلیمی بولیم‌لرده افغانستان بیلن جدی همکارلیک‌لر قیلگن.
بلخ ده محلی مسئوللر نینگ بیاناتی اساسیده، اَیری ایکی وقت‌ده قریب ۱۵۰ اوقووچی نینگ بو مکتب‌ده درس اوقیشی ممکن.
بیزلرنینگ «ایکس» ترماغی ده هم تعقیب قیلینگ!
عین حالده، اوقووچیلردن قطاری نینگ ایتیشلریچه، بوندن آلدین ایسیق و ساووق هوا‌ده کرایی اویلرده قیین‌چیلیک‌لر بیلن درس اوقه‌ر ایکنلر.
تورکیه همکارلیک و انسجام آژانسی ریاستی، بوندن آلدین معارف‌دن قوللب-قوتلش مقصد تورلی ولایت‌لرده دولتی مکتبلر بنالرینی قیته قورگن.
