بدخشان ولایتی فیض‌آباد و بهارک قتناو یولی همده اوشبو ولایت نینگ تشکان تومنیده ایکّی ترافیکی حادثه عاقبتیده اوچ کیشی قربان بولیب و باشقه ۱۵ کیشی یره‌لنگن.
بدخشان ولایتی امنیه قوماندان‌لیگی سۉزلاوچیسی احسان‌الله کامگار گه کوره، بیرینچی واقعه ۱۲-میزان، پنج‌شنبه کونی مذکور ولایت نینگ تشکان تومنی «ارغندکان» منطقه‌سیده «کرولا» رسوملی بیر موتر سرک دن چیقیب چپه بولیشی طفیلی یوز بیرگن.
بیزلرنینگ فیسبوک صحیفه‌میزگه باش اورینگ!
بو واقعه ده موتر ده‌گی اوچ یولاوچی قربان بولیب و باشقه بیش کیشی یره‌لنگنینی اېته‌دی، بدخشان ولایتی امنیه قوماندان‌لیگی سۉزلاوچیسی احسان‌الله کامگار.
اونگه کوره، ایکّینچی واقعه بهارک و بدخشان مرکزی فیض‌آباد شهری قتناو یولیده «کرولا» رسوملی بیر موتر بیلن «رنجر» نینگ توقنشووی سبب یوز بیرگن.
کامگار جنابلری نینگ کوپه‌یتیریشیچه، اوشبو واقعه ده ۱۰ کیشی یره‌لنگن و اوچ کیشی نینگ احوالی آغیر دیر.
بیزلرنینگ «ایکس» ترماغی ده هم تعقیب قیلینگ!
افغانستان بوتون ولایت‌لری اینیقسه بدخشانده ترافیکی قاعده‌لر رعایت بولمسلیگی، سرک‌لر بوزوق‌لیگی و هیداوچیلر نینگ دقت‌سیزلیگی طفیلی انده-سنده بو گَل واقعه‌لر یوز بیریب و یشاوچیلردن قربان‌لیک آلیشی اېتیله‌دی.
