بدخشان محلی مسئول‌لری سلام وطندارگه ایتیش‌لریچه، اوشبو ولایت نینگ راغستان تومنی‌گه قره‌شلی «پطیر» قیشلاغی نینگ «خمیل» منطقه‌سیده قار کوچیشی باعث اوچ کیشی هلاک بولگن.
اسلامی امارت نینگ بدخشان‌ده‌گی معلومات و مدنیت باشلیغی معزالدین احمدی نینگ اورغولشیچه، اوتکن کونگی حادثه‌ده ۸ کیشی قار گه بند قالگن.
بدخشان معلومات و مدنیت باشلیغی‌گه کوره، قار قمراوی‌گه قالگن‌لردن اوچ کیشی هلاک بولگن و قالگن بیش کیشی ایسه اسلامی امارت کوچلری و محل یشاوچیلری نینگ سعی-حرکتی نتیجه‌سیده قوتقریلگن.
بیزلرنینگ فیسبوک صحیفه‌میزگه باش اورینگ!
عین حالده، نیچه کون آلدین هم بدخشان ولایتی راغستان تومنی نینگ «تاجیل» قیشلاغیده یوز بیرگن قار کوچیشی نتیجه‌سیده، بیش کیشی عالمدن اوتیب و قطار کیشی‌لر یره‌لنگن ایدی.
بدخشان ده قارلی تاغلر و قیشلاقلرنینگ تاغ‌لرگه یقیین بولگنی باعث، هر دایم قار کوچیش حادثه‌سی یوزبیریب و شونینگدیک اهالی گه کوپ ضرر ییتیشه‌دی.