اسرائیل کوچلری، ۲۰۲۵ -ییل اکتبر آییده امریکا واسطهچیلیگی بیلن برقرار بولگن آتیش کیسینگه کیلیشگنی بیرحالده، ینه هم نوار غزهنینگ بیر قطار بولیملریگه کوپینچه هجوم اویوشتیرگن که مذکور هجوملر نتیجهسیده، اوچ کیشی اولیب و بیر قطار کیشی یرهلنگن.
الجزیره خبری ترماغینینگ بوگون (۱۵-جدی/ ۵-جنوری، دوشنبه)، غزه دهگی طبی منبعلردن نقل قیلیب گزارش بیریشیچه، اسرائیل کوچلرینینگ اوتگن کونی اویوشتیرگن اَیری هجوملریده، کمیده اوچ فلسطینلیک قربان بولگن.
مذکور گزارش اساسیده، اسرائیل کوچلری آرقهلی نوار غزه مرکزی بولیمیده جایلشگن بُریج آوارهلر کمپی شرقیدهگی تینچ اهالینینگ اوققه توتیلیشی عاقبتیده، نیچه کیشی یرهلنگن.
شونینگدیک اسرائیل تینچاهالی اویلری و آستقورمهلرینی بوزیشگه دوام بیریب و ینگی موردده، بو مملکت کوچلری نوار غزه شمالیده «تفاح» محلهسینی بوزیشگه دوام بیرگن.
اسرائیل کوچلری بو اقداملرنی تصدیقلب و ایتیشیچه، غزه شمالیده آستقورمهلردن کوپ قطارینی بوزماقدهلر؛ لیکن هجوملردن مقصد بیتلاهیا منطقهسیده تونللر شامل «ییر و ییرآستیدهگی ترورچیلیک آستقورمهلری» بولگنینی ادعا قیلگن.
غزه ساغلیقنی سقلش وزیرلیگینینگ اینگ ینگی معلوماتی اساسیده، آتیش کیسین برقرار بولگنیدن حاضرگچه، اسرائیل هجوملریده کمیده ۴۲۰ فلسطینلیک قربان بولگن. غزه ده اسرائیل اوروشی طفیلی قربان بولگنلرنینگ توپلم سانی ۷۱ مینگ ۳۸۶ کیشی و یرهلنگنلر سانی ایسه ۱۷۱ مینگ ۲۶۴ کیشیگه ییتیشگن.
