اسلام امیرلیگی قاچقینلر وزیرلیگی، تورلی موسسه‌لر بیلن ایککی میلیون دن آرتیق دالرلیک همکارلیک شرطنامه امضاله‌گن.
اوشبو وزیرلیک بوگون (۲-عقرب، چهارشنبه) ایکس صحیفه‌سیده بیر بیانیه ترقه‌تیب بو وزیرلیک ساغلیق‌نی سقلش ترقیات موسسه‌سی، عیاللر اوچون عیاللر همده اکتید اداره‌سی بیلن ایککی میلیون ۴۹۸ مینگ ۶۳ دالرلیک همکارلیک شرطنامه امضاله‌گنیدن خبر بیرگن.
بیزلرنینگ فیسبوک صحیفه‌میزگه باش اورینگ!
مذکور وزیرلیک نینگ ایتیشیچه، شرطنامه اساسیده عیاللر اوچون عیاللر موسسه‌سی بلخ، سمنگان، جوزجان، فاریاب، بغلان، تخار، قندوز، بدخشان و سرپل ولایت‌لریده بیر میلیون ۲۶۱ مینگ ۸۷۸ دالرنی بیرلشگن ملتلر تشکیلاتی عالی کمیشنری اداره‌سی نینگ حمایتی بولیمی، ایچکی آواره‌لرنی قۉللب-قوتلش و نظارت اېتیش، ایچکی و چیت ایل دن کېلگن آواره‌لر نینگ تجزیه و تحلیل قیلیش و اولرنی دونر گه معرفی قیلیش، آگاهی‌لیک بیریش، محتاج کیشیلرنی انیقلش و ۱۰ مینگ ۵۵۰ کیشی گه روحی مصلحت بیریش بولیملریده صرفله‌شی ممکن.
شونینگدیک، اوشبو بیانیه اساسیده، اکتید موسسه‌سی ۸۷۳ مینگ ۶۵ دالرنی کنر و لغمان ولایت‌لریده باش پنه و حفظ‌الصحه بولیمیده صرفله‌یدی و اوندن بیر مینگ ۲۹۶ عایله فایده‌لنیشی کوتیله‌دی.
بیزلرنینگ «ایکس» ترماغی ده هم تعقیب قیلینگ!
قاچقینلر وزیرلیگی نینگ بیانیه‌سیده، ساغلیق نی سقلش ترقیات موسسه‌سی بغلان، سمنگان، بلخ و جوزجان ولایت‌لریده ۳۶۳ مینگ ۱۲۰ دالرنی آگاهی‌لیک بیریش، مسلکی پاکتلرنی یاردم بیریش، زراعتی سکیز نرسری قوریش، تعلیمی برنامه، حمایه‌وی کمیته و کیچیک لایحه‌لرنی تطبیق اېتیش بولیملریده صرفله‌شی ممکن.
مذکور وزیرلیک نینگ کوپه‌یتیریشیچه، بو شرطنامه‌لر قاچقینلر وزیرلیگی نینگ مسلکی معینی عبدالرحمان راشد و اوشبو موسسه‌لر وکیللری اۉرته‌سیده امضالنگن.
