اوکراین رسمیلرینینگ اعلام قیلیشیچه، روسیه آرقهلی بو مملکت گه اویوشتیریلگن اینگ ینگی هجوملرده، بیر کیشی اولیب و ایکی کیشی یرهلنگن.
خلقارا ییتکرمهلرنینگ گزارش بیریشیچه، روسیه بوگون (۲۰-دلو/ ۹-فبروری، دوشنبه)، اوکراین جنوبیده جایلشگن اودسا شهرینی نشانگه آلگن.
گزارشلر اساسیده، اودسا شهریگه روسیه اردوسینینگ اویوشتیرگن هجومی نتیجهسیده، یشش بنالر و بیر گاز پایپی گه هم زیان ییتیشگن.
بو بیلن بیرگه، اوکراین جمهور باشلیغی ولودیمیر زلنسکینینگ اعلام قیلیشیچه، روسیه سونگی بیر هفتهده هجومچی ایکی مینگدن آرتیق پهپاد، هوایی بیر مینگ ۲۰۰ بمب و بیر مینگ ۱۶ ته راکتهنی، بو مملکت تامان آتگن.
اوتگن کونی امریکا جمهور باشلیغی دونالد ترامپ، روسیه و اوکراین اوروشیگه چیک قویش توغریسیده یخشی مذاکرهلر اوتکزیلگن دیب اعلام قیلگنی بیرحالده، روسیه اوکراین گه هجوم قیلگن.
