ایران جمهور باشلیغی مسعود پزشکیان، امریکا قوشمه ایالتلری جمهور باشلیغی دونالد ترامپنینگ ایرانده آست قوریلمهلرنی نشانگه آلیش بیلن تهدید قیلیش بیاناتیگه مناسبت بیلدیریب ایتیشیچه، ترانسپورت، صناعت، برق و سوو توغانلریگه ضربه بیریش، عاجزلیک بیلگیسی دیر.
اونگه کوره، حیاتی آست قوریلمهلر خلق حیاتینینگ تامیرلری دیر، اولرنی نشانگه آلیش بیلن تهدید قیلیش قدرتنی کورسهتیش ایمس بلکی بیر ملتنینگ ارادهسیگه قرشی عاجزلیک بیلگیسی دیر.
ایران جمهور باشلیغی، بو مملکت اوز متخصصلرینینگ بیلیم و کوچیگه، ملی بیرلیک و همجهتلیککه تیهنیب، هر قندهی باسیم و تهدیدلر قرشیسیده مستحکم توریشینی بیلدیرگن.
۱۸ جوزا/۸ جون، دوشنبه کونی هرمز بوغوزی حدودیده امریکا اردوسینینگ آپاچی جنگاور تیکاوچری اوریلیب توشیریلیشی گه دایر امریکا و ایران بیر-بیریگه قرشی هجوم اویوشتیرگنیدن بیر کون اوتگچ، بوندهی بیاناتلر ترقهلگن.
