سرپرست حکومت احصائیه و معلومات ملی ادارهسی، قویاش ۱۴۰۳-ییلده بیرینچی مراتبه افغانستاننینگ ۱۵ ولایتیده پخته حاصلینی تېکشیرگن و اوشبو ادارهنینگ معلوماتی اساسیده، توپلم شکلده ۱۵۹ مینگ متریک تُن پخته حاصل آلینگن.
احصائیه و معلومات ملی ادارهسی بوگون (۲۲-دلو، دوشنبه) بیر بیانیه ترقهتیب، اوتگن قویاش ییل گه نسبتن بو ییل پخته حاصلی ۳۰ فایز کوپهیگنینی معلوم قیلگن.
بیزلرنینگ فیسبوک صحیفهمیزگه باش اورینگ!
بیانیهده کېلیشیچه: «هلمند ۸۰ مینگ متریک تُن، بلخ ۳۴ مینگ متریک تُن، قندهار ۱۱ مینگ متریک تُن، جوزجان قریب ۱۱ مینگ متریک تُن و ننگرهار بیش مینگدن کوپراق مینگ متریک تُن پخته حاصلاتی بیلن، اېنگ کوپ پخته ایکیلگن ولایتلر دیر.»
احصائیه و معلومات ملی ادارهسی گه کوره، بو اداره قویاش ۱۴۰۳-ییلده بیرینچی مراتبه «ریموت سنسنگ تکنالوژی»دن قوللنیش بیلن، مملکتده پخته ایکیلگن ییرلرنی انیقلهگن و معلومات اساسیده، مملکت مقیاسیده ۱۰۵ مینگ هکتار ییرده پخته ایکیلگن.
بیزلرنینگ «ایکس» ترماغی ده هم تعقیب قیلینگ!
احصائیه و معلومات ملی ادارهسینینگ کوپهیتیریشیچه، پخته افغانستاننینگ صادراتی مهم توارلریدن سنلهدی و یالغیز اوتگن ییلده ۲۷۳ میلیون دالرلیک پخته و چیگیت چیتایل گه صادر قیلینگن.
