خلقارا ساغلیقنی سقلش تشکیلاتینینگ اعلام قیلیشیچه، هر بیر قطره قان ارزش گه ایگه بولیب و هر بیر قان بیرووچی انسانلر حیاتینی قوتقریشده مهم حصه قوشه آلهدی.
خلقارا ساغلیقنی سقلش تشکیلاتی افغانستان بولیمینینگ بوگون (۲۴-جوزا/۱۴-جون، یکشنبه)، «خلقارا قان بیریش کونی» مناسبتی بیلن ایتیشیچه، قان بیریش مهم و قوتقرووچی بیر عمل بولیب و بو جریانده هر بیر قان بیرووچی مخصوص اهمیتگه ایگه دیر.
مذکور تشکیلات بیر پیام ترقهتیب، قان بیریش توغریسیده اهالینینگ حصه قوشیشی کوپهیشینی ایستهب و ایتیشیچه: «هر بیر قطره قان قوشمه کوچیمیزنی انتقال بیرهدی؛ قان بیرینگ و بیر حیاتنی قوتقرینگ.»
خلقارا قان بیریش کونیدن هر ییلی ۱۴-جون ده نشانلنهدی. مذکور کون خلقارا ساغلیقنی سقلش تشکیلاتی همده خلقارا شریکلری آرقهلی، قان بیرووچیلرنی قدرلش و انسانلر حیاتینی قوتقریشده قان بیریش اهمیتی حقیده آگاهیلیکنی کوپهیتیریش مقصد، ناملنگن.
