سرپل الجهاد تومنی قیشلاقلری یشاوچیلریدن بعضیلری، شور سوولردن قوللنیش سببلی ایریم کسللیکلر گه چلینگنلرینی معلوم قیلیشهدی. الجهاد تومنی «آدمسنگ»، «شیخنزایی»، «قدوقچه» و باشقه حدودلر اهالیسی، قورغاقچیلیک سببلی سوو انبارلری «افلاسلنگن» و قودوقلرنینگ سووی شور بولگن دییدیلر.
اولر گه کوره، کوپینچه عایلهلر شیرین سوودن قوللنه آلمسلیگی سببلی، شور سوودن استعمال قیلیشهدی و اکثریت اهالینی اینیقسه ایچکیتمه کسلیگه چلنتیرگن. یشاوچیلر، شور سوولرنینگ گازی بولیب و کوپینچه بالهلرنی کسل قیلگن دیب قوشیمچه قیلهدیلر.
الجهاد تومنی «آدمسنگ» حدودی یشاوچیسی میراحمد شوندهی دیدی. «بو کیلینککه کیلیب کورینگیزلر قنچه اهالی کسل، قنچه اهالی ایچکیتمه. بو ییردهگی شفاکارلر همهنی دوالش گه قوربی ییتمهیدی کیین ایسه بیزنی سرپل مرکزیگه یوللـهیدی. او ییرده هم بیز گه شور سوودن استعمال قیلیب سیزلر دیب ایتیشهدی، تنهلرینگیز میکروبی بولگن دییشهدی. مین کیکسه بیر کیشی من؛ بیراق بوتون تنهم میکروبی بولگن.»
الجهاد تومنی، «شیخنزایی» حدودی یشاوچیلریدن باشقه بیری غلاممحمدنینگ ایتیشیچه: «اوشبو شور سوولردن قوللنیش سببلی کوپینچه اهالی کسل بولهدی. شیرین سوودن اهالی استعمال قیله آلمسه، شور سوودن استعمال قیلیشگه مجبور بولیشهدی و کیین ایسه بالهلر کسل بولهدی، ایچکیتمه بولیشهدی.»
الجهاد تومنی یشاوچیلرینینگ ایتیشیچه، شیرین سوودن فایدهلنه آلمسلیک سببلی اهالی شور سوودن قوللنیش گه مجبور و بو ایسه ایریم کسللیکلر گه سبب بولگن. اوشبو یشاوچیلر، هر کونی کوپینچه کیشیلر محلی کلینیکلر گه مراجعت قیلیشهدی و کوپینچهلر دوالنیش اوچون سرپل مرکزیگه مراجعت قیلیشلرینی قوشیمچه قیلهدیلر.
الجهاد تومنی »قدوقچه« حدودی یشاوچیسی عبدالقدوس شوندهی دییدی: «سوولر شور، قزیلگن بو ایکی قودوقنینگ سووینی قریب ۵۰ فایز استعمال قیلیش ممکن، اهالی مجبوریتدن اوندن قوللنهدی.»
الجهاد تومنی «آدمسنگ» حدودی یشاوچیسی محمدامان نینگ ایتیشیچه: «شیرین سوو تاپیلمسه، مجبوریتدن اوشبو قودوقلر سوویدن استعمال قیلهمیز و کیین کسل بولهمیز. ۱۰۰ فایز اهالیدن بیر فایز هم میکروبدن امان قالمهگن، شو سوولرنی استعمال قیلهمیز و یورهک آغریق تاپیلهدی.»
شو بیلن بیرگه، سرپل ساغلیقنی سقلش باشلیغی عبدالقهار احمدی، اوشبو ولایتنینگ ۱۰ تومنیده عادی طرزده طبی خذمت کورسهتیلماقده و احوال یخشیلنیشی اوچون سعی-حرکت قیلماقدهلیکلرینی بیلدیرهدی. اونینگ ایتیشیچه، طبی خذمت کورسهتیلمهیاتگن حدودلرده اهالی قیینچیلیگی حل ایتیلیشی اوچون سیار تیملردن قوللـهنیلماقده. اولرنینگ ساغلیقنی سقلش تیملری ایریم حدودلرده کسل بولگن اهالی گه ساغلیق مصلحت بیریشینی قوشیمچه قیلهدی، سرپل ساغلیقنی سقلش باشلیغی عبدالقهار احمدی.
او شوندهی دییدی: «تیملر حدودلر گه باریب و خذمت کورستهدی؛ شو هفته دوامیده اوزیم الجهاد تومنیگه باریب و اهالی نینگ سوو قیینچیلیگینی یقیندن کوزهتدیم. بیز مؤسسهلرنینگ یاردمی بیلن افلاسلنگن سوولرن قوللنهیاتگن اهالی گه به تفصیل معلومات بیردیک. اهالی تازه ایچیمیلیک سوودن استعمال قیلیش و کسللیکلر آلدی آلینیشی اوچون سعی-حرکت قیلینماقده.»
سرپل ساغلیقنی سقلش باشلیغی، تازه ایچیملیک سوودن فایدهلنیش بولیمیده، یونیسف کبی همکار مؤسسهلر یاردمی بیلن کسللیکلر آلدی آلینیشی اوچون قوشمه و اساسی ایشلر بولماقدهلیگیدن ایشانچ بیلدیرهدی.
