بیرلشگن ملتلر تشکیلاتینینگ آزیق-آوقت و ایکینچیلیک دستوری افغانستان بولیمی، اوشبو مملکتدهگی دهقانلرگه ۸۷ مینگ ۴۰۰ بوغدای پاکتینی ترقهتگنیدن خبر بیرگن.
اوشبو نهادنینگ بوگون (۷-جدی، یکشنبه)، اکس صحیفهسیده یازیشیچه، مذکور ایکینچیلیک پاکتی جاری ییل قیش موسومیده ترقهتیلگن.
آزیق-آوقت و ایکینچیلیک دستورینینگ کوپهیتیریشیچه، ترقهتیلگن پاکتلر اصلاح بولگن اوروغ و صفتلی کوددن عبارت بولیب، عایلهلر درآمدی و آوقتلنیشی یخشیلنیشیگه یاردم بیرهدی.
اوشبو پاکتلر آسیا بوییچه ترقیاتی بانکی، دنیا بانکی، بریتانیا، سویدن، جاپان و اروپا بیرلشمهسینینگ انسانسیورلیک یاردملر دارهسی یاردمی بیلن ترقهتیلگن.
ایکینچیلیک بولیمی، افغانستاننینگ اینگ مهم اقتصادی منبعلریدن بولیب، بو مملکت یشاوچیلریدن قریب ۸۰ فایزی مذکور سکتورده ایشلش بیلن عایله نیازلرینی تامین قیلهدی.
