حج و اوقاف وزیرلیگی مسئوللری، بوگون (۱۶-حوت، پنجشنبه) کابلده مطبوعاتی ییغیلیشده، قویاش ۱۴۰۴-ییل حج مراسمی اوچون، افغانستان گه ۳۰ مینگ سهمیه بیریلگنینی معلوم قیلگنلر.
حج و اوقاف وزیرلیگی سرپرستی نورمحمد ثاقبنینگ ایتیشیچه، قویاش ۱۴۰۴-ییل حج مراسمی توپلم خرهجتی، سکیز میلیارد ۲۷۸ میلیون ۷۷۷ مینگ ۳۲۰ افغانی بولگن.
بیزلرنینگ فیسبوک صحیفهمیزگه باش اورینگ!
اونینگ کوپهیتیریشیچه، کېلهسی ییلده حج قیلهدیگن هر بیر کیشینینگ خرهجتی ۲۸۲ مینگ ۹۰ افغانی تعیینلنگن.
حج و اوقاف وزیرلیگی مسئوللری، حج اوچون ثبتنام قیلیب و حاضرگه قدر هېچ پول تولمهگنلردن، کېلهسی هفته یکشنبه کونی اوشبو وزیرلیکنینگ کابل و ولایتلردهگی حج و اوقاف ریاستلریگه مراجعت قیلیب و تعرفهلرینی آلیشلرینی سورهیدیلر.
مذکور وزیرلیکنینگ حج، عمره و زیارتلر ایشلری بوییچه اورین باسری محمدنبی محمدی، کېلهسی ییلده افغانستان سهمی کوپراق بیریلیشی اوچون سعی-حرکت قیلیشلریدن ایشانچ بیلدیرهدی.
بیزلرنینگ «ایکس» ترماغی ده هم تعقیب قیلینگ!
حج و اوقاف وزیرلیگینینگ معلوماتلری اساسیده، ۳۰ مینگ حاجی گه خذمت کورسهتیش اوچون، بو وزیرلیک تامانیدن ۶۵۲ راهنما تعیینلنگن.
