طالبان گروهی، آمریکا کیله‌جک جمهور رئیسی‌دن دوحه ده اوشبو گروه و آمریکا آره‌سیده امضا ایتیلگن کیلیشوونامه گه صادق قالیشینی سوره‌گن. طالبان سوزلاوچی‌لریدن بیری نینگ اوتگن “یکشنبه” کونی فرانس پرس گه ایتیشیچه، اوشبو گروه رهبرلری بیر کیشی بیلن ایمس، بلکیم آمریکا حکومتی بیلن کیلیشوونامه امضا قیلگن.
طالبان سوزلاوچیسی نینگ ایتیشیچه، اوشبو گروه افغانستان تینچلیک جریانی کوچ‌سیز بولیشی ایمس، بلکیم کوچلی بولیشیدن امیدوار دیر.
جاری میلادی ییل ۲۹ فبروری، قطر باشکنتی دوحه ده آمریکا و طالبان آره‌سیده امضا ایتیلگن کیلیشوونامه گه کوره، آمریکا حربی‌لرینی ۲۰۲۱- ییل نینگ می آی گه‌قدر افغانستان نی ترک قیلیش‌لری کیره‌ک.
بیراق، آمریکا رسمی‌لری نینگ ایتیش‌لریچه، اوشبو مملکت حربی‌لری نینگ کامل صورتده، افغانستان نی ترک قیلیشی منطقه نینگ وضعیتی‌گه تیگیشلی دیر.
آمریکا جمهور رئیسی دونالد ترامپ، آمریکا حربی‌لری کامل صورتده افغانستاندن چیقیشی‌نی ایسته‌گن و ترامپ نینگ بو حرکتی طالبان تامانیدن خوش قرشی‌لنگن.
بیراق، جو بایدن سیلاو کمپاین نی جریانیده آمریکا حربی‌لری افغانستاندن چیقگن صورتده، اوشبو مملکت خلق ارا تروریست‌لر مرکزیگه اوزگریلیشیدن خواطر بیلدیرگن ایدی.
ایتیلیشیچه، اوتگن نیچه آی جریانیده آمریکا حربی‌لری افغانستانده بولگن بیرقطار پایگاه‌لرینی بیکار قیلگن.
