سمنگان امنیتی مسوول‌لری نینگ ایتیشیچه، امنیتی کوچلرنی هجوم آُستیگه قرار بیریش‌نی ایسته‌گن خودکش هجومچی قولگه آلینگن.
سمنگان پولیس قومندانلیگی سوزلاوچیسی منیر رحیمی نینگ ایتیشیچه، خودکش هجوم اویوشتیریش‌گه قصد قیلگن عبدالقیوم نام‌لی بیر یاش ییگیت امنیتی کوچلر تامانیدن قولگه آلینگن.
جناب رحیمی‌گه کوره، مذکور کیشی دره صوف تومنی تامان باره‌دیگن بیرچاغده، «حضرت‌سلطان» تومنی یولیده امنیتی کوچلر تامانیدن قولگه آلینگن.
اونینگ کوپه‌یتیریشیچه، قولگه آلینگن کیشی قندوز ولایتی نینگ یشاوچی‌سی دیر.
عبدالقیوم نینگ بیرینچی اعتراف‌لریده ایتیشیچه، خودکش هجوم اویوشتیریش اوچون ۴۰ کون قندوز ولایتیده تعلیم کورگن.
اونینگ ایتیشیچه، امنیتی کوچلر آره‌سیده اوزنی پارتله‌تیشی خصوصیده بویروغ بیریلگن.