کابل شهرینینگ کوچهلریدن بیریده، کیچیک لیکن شوقین بیلن توله بیر مکتب جایلشگن. بو مکتب بیر کونی اوزی اوقووچی بولگن مدینه منصور اسملی بیر قیز آرقهلی قوریلگن.
تورت ییل آلدین مکتبنی بیتیرگن مدینه منصورنینگ ایتیشیچه، اوقیتووچیلیککه قیزیقیش سبب، «منصوررسا محمدی» باشلنغیچ مکتبینی قورگن. «مکتبنی بیتیرگنیمدن کیین، درس بیریشگه باشلهدیم؛ تورت ییل درس بیریش بیلن شغللندیم؛ دایم اوزیم بیر مکتبگه ایگه بولیشینی آرزو قیلهر ایدیم.»
منصورنینگ کوپهیتیریشیچه، بیر ییل آلدین دوستلرینینگ حمایتی بیلن ۲۰۰ مینگ افغانی عوضیگه اوشبو مکتبنی قوریب و ۱۸۰ اوقووچیگه تعلیم زمینهسینی یرهتگن. «بو ییرده قیز و اوغیل بالهلر آلتینچی صنفگچه درس اوقهدیلر؛ مذکور اوقووچیلردن ۹۰ تهسی قیز دیر.»
مدینه منصورگه کوره، منصوررسا محمدی مکتبیده عیاللر کوپینچه حصهگه ایگه دیر. اونینگ کوپهیتیریشیچه: «ایشلاوچیلریدن کوپینچهسینی عیاللر تشکیل بیرهدی؛ مدیریت، اداری بولیملری، اوقیتووچیلر و ایشلاوچیلردن برچهسی قیزلر و عیاللر دیر؛ یالغیز قوریقچیلیک بولیمیده ایرککلر بار.»
منصورنینگ ایتیشیچه، مکتب قوریش و رهبرلیک اورنیده توختهش اونینگ اوچون قولهی بولمهگن و بو هدفگه ییتیشیش اوچون کوپینچه قیینچیلیکلرنی اوتکزگن. او باشقه قیزلرگه خطاب ایتیشیچه: «قیزلرنینگ امیدوار بولیشی کیرهک، شرایط و امکانیتلرنی بهانه قیلمهسینلر. سعیوحرکت بیلن آرزولریگه ییتیشسینلر.»
مدینه منصور حکایهسی، قیینچیلیکلر برابریده توختهش و تعلیم چراغینی یاقیش اوچون حرکتنی کورستهدی؛ اوشبو چراغ هر کونی صنفگه اوقووچیلر حضوری بیلن یاختیراق بولهدی.
