نمازنی ادا ایتگچ، اینگلرینی شیمرلب و پروان غوربند درهسیده کیچیک خانهسیده ایشگه کیریشهدی. او میدهلنگن اوتینلرنی تندیر گه سالب آلاو یاقهدی. سۉنگ ایسه سبزهوات توغرهش گه توشهدی، پیچاق سبزی گه تیگیشی بیلن، خانهنی ینگی سبزهواتنینگ یاقیملی هیدی قمرهب آلهدی.
حیاتنینگ مشقتلریگه آشنا بولگن قوللری بیلن خمیرنی یایهدی و ایلگری ارهلشتیریب قویگن سبزی و کچالونی اونینگ اورتهسیگه جایلهیدی. بولرنینگ برچهسی تندیرگه جایلنهدی، تا که او ییردن مزهلی و ایلیق بولانی چیقیشی اوچون.
بولانیلر پیشگچ، اولرنی اویده تیارلهگن چکنی بیلن بیرگه اوغلینینگ قولیگه توتقیزهدی، تا که او کوچه بوییگه آلیب چیقیب ساتسه. اونگه کوره، هر کونی ۵۰ تهگچه بولانی پیشیرهدی و اوغلی اولرنی قویاش باتگونگه قدر ساتیب توگتهدی.
بیزلرنینگ فیسبوک صحیفهمیزگه باش اورینگ!
بو آنه، بولانی ساتیش آرقهلی درآمدی بیلن فرزندلرینینگ اوقیش خرهجتلرینی تأمینلهیدی. اونگه کوره: «سبزهواتنی قۉشنیلرنینگ ییرلریدن بالهلریم بیلن تیریب ییغهمیز، ۲۰۰ دن ۲۵۰ افغانی قولگه کیریتهمیز، شو یول بیلن اولر گه قلم، کتابچه و کییم-کیچک ساتیب آلیب بیرهمن، بیر مقدار گوشت هم ساتیب آلالهمن.»
اوشبو عیالنینگ کتته اوغلی آرش، هر کونی ایسیق بولانی توله سووت بیلن، پلمتک کوپریگی یقیندهگی سرک قیرغاغیده اولتیرهدی؛ بو ییر کابلدن شمال گه یا که عکسینچه، یولاوچیلر قتنهیدی؛ دایمی مجازلری بولگن یولاوچیلر کیلیب خورسندلیک بیلن اطرافیگه اولتیریب و بولانی ساتیب آلهدیلر.
عایلهلرنینگ اقتصادی ترقیاتی اوچون سهمی آز بولگن جامعهده، سارا ایرینینگ حیات خرهجتلرینی تأمینلشده قینلهیاتگن پیتده، اوزینینگ کوچی بیلن عایلهسینینگ عادی کوندهلیک حیاتینی دوام ایتیریش گه تینهدیگن تینچ گه ایلنماقچی بولهدی. «باشقه یوللر هم بارلیگینی حس قیلهمن که آدملر او یول بیلن حلال درآمد قولگه کیریتیب و عایله احیتاجلرینی تأمینلسه، باشقهلرنینگ سۉزلری و چرچش اوستیمیز گه تأثیر قویمهیدی و حلال رزق تاپیش گپی بولسه، حاضر کوپینچه کیشیلر بیزگه قرهب بو ایشگه یوز کیلتیرگن.»
بیزلرنینگ «ایکس» ترماغی ده هم تعقیب قیلینگ!
سارا، گرچی چرچاقنی بیلمسدن ایشلشده دوام ایتسهده، قیش یقینلشی بیلن، بولانی خرهجتی یوقاری کیتیب و بو یولدن کم درآمد قیلیشیدن تشویش قیلهدی؛ بو حالت تیریکچیلیک خرهجتلرینی تأمینلشنی ېنهده قیینلشتیریشی ممکن.
سارانینگ اوییدن چیقهمن و اونینگ اوغلی آرشنینگ قولیده بولانی بیلن تولدیریلگن سووتنی کورهمن، او کوننینگ قیزغین ایسیغیده لبلریده صمیمی بیر تسبم بیلن، کوچه سری یول آلگن؛ آنهسینینگ محبتی ثمرهسینی بولانی سیورچیلر گه ییتکزیش اوچون. کون آخریده ایسه، بیر آزگینه پول بیلن، اما غرور مهر بیلن اوی گه قیتهدی.
