ملی ستندرد ادارهسی، انشاآتلرده برق ضایعهلرینی آلدینی آلیش اوچون «لیمه مصلحتی» نهاد بیلن شرطنامه امضالهگن.
ملی ستندرد اداره باشلیغی فیضالله تمیم، کابل شهریده اوشبو شرطنامهنی امضالش مناسبتی بیلن اوتکزیلگن ییغیلیشده، انشاآتلرده ستندردلر رعایت بولمهگن تقدیرده، برق ضایعهلری آشیب و یشش محیط گه جدی زیان یېتکزیشینی اېتگن.
بیزلرنینگ فیسبوک صحیفهمیزگه باش اورینگ!
اونگه کوره، اوشبو شرطنامه عملگه آشیریلیشی بیلن، انشاآتلرده برق ضایعهلری آلدی آلینیب و یشش محیط گه زیان یېتمهیدی. «برقنینگ بیر مملکت اۉزینی-اۉزی تأمینلش و ترقیاتی اوچون رولی مهم، ضایعه بولیشی آست قورمهلرنی قوریش اوچون کتّه قیینچیلیک دیر، شونی اوچون لیمه مصلحتی نهاد بیلن برق ضایعهلرینی آلدینی آلیش شرطنامه امضالهدیک.»
لیمه مصلحتی نهاد مسئوللرینینگ ایتیشلریچه، اوشبو شرطنامه اساسیده انشاآتلرده برق ضایعهلری آلدی آلینیش ستندردلر تطبیق اېتیلیشی اوچون، دستلب ظرفیتسازلیک بولیشی کېرهک.
لیمه مصلحتی نهادنینگ تفتیش و برقنی باشقریش باشلیغی محمدعمر تیموری گه کوره: «مثال اوچون، ۴۰ آپارتمانلیک بلاکنی نظرگه آلسهی، بو برنامه تطبیق اېتیلیشی اوچون ۵۰۰ دالر صرفلنیشی ممکن. انجنیرلر بو ایشنی درک قیلیش اوچون ظرفیتسازلیک قیلهمیز.»
بیزلرنینگ «ایکس» ترماغی ده هم تعقیب قیلینگ!
برق ایش بیلرمانی مسیح شریفی، برق ضایعهلرینی کمهیتیریش ستندرد عملگه آشیریلیشی اوچون مرکب طرحلر توزهلیب و ینگی تکنالوژیدن فایدهلنیش کېرهک، دیېدی.
اونینگ کوپهیتیریشیچه، بو ستندردلر توزهلیشی هوا افلاسلیگی کمهیشیگه سبب بولیشی ممکن. «انشاآتلرده برق ضایعهلرینی آلدینی آلیش اوچون کاکدن قوللنیلهدی و بو انشاآت موادلری کوپراق کوچلی بولیشی و یشش محیطنی سقلشده یاردم بیریشی ممکن.»
ملی ستندرد ادارهسینینگ معلوماتی اساسیده، اسلام امیرلیگی قدرت نی آلگنیدن بیری، افغانستاننینگ تورلی ساحهلریده ۸۰۰ ستندرد ایجاد اېتیلگن.
