پاکستان سابق باش وزیری عمران‌خان نینگ طرفدارلری، کېنگ کولمده ناراضیلیک بیلدیریب و پاکستان تورمه‌خانه‌سیدن اونینگ قوییب یوباریلیشینی اېسته‌گنلر.
بو ناراضی‌لیکلر پاکستان‌نینگ پنجاب و خیبرپختوانخواه ایالتلریدن باشلنگن و حتا اوشبو مملکت پایتختی اسلام‌آباد گه قدر یېتگن. حکومت بو احوال‌نی باشقریش و اونگینی آلیش اوچون اعتراضچیلر گه قرشی اوق آتیش بویروغینی بیرگن.
معلومات‌لر اساسیده، بو ناتینچ‌لیکلر طفیلی حاضرگه قدر تورت پولیس شامل چمه‌سی آلتی کیشی هلاک بولیب و قریب یوز کیشی یره‌لنگن. شونینگدیک، ۴۰۰۰ گه یقین اعتراضچی پاکستان پولیسی تامانیدن قولگه آلینگن.
بیزلرنینگ فیسبوک صحیفه‌میزگه باش اورینگ!
ایش بیلرمانلر، پاکستان‌ده‌گی احوال افغانستان اینیقسه بو مملکت‌نینگ تجارتی اوستیگه سلبی تأثیر قوییشیدن آگاه‌لنتیره‌دیلر.
خلق‌ارا مناسبت‌لر ایش بیلرمانی سیداکبر سیال‌نینگ سلام‌وطندار گه ایتیشیچه: «منطقه‌ده پاکستان و ایران کبی مملکتلر ناتینچ بولسه، بو احوال تورلی ساحه‌لرده افغانستان‌ده سلبی تأثیر قیله‌دی، پاکستان‌ده‌گی احوال افغانستان‌نینگ سیاسی، اقتصادی و تجارتی بولیملریگه سلبی تأثیر قوییشی ممکن.»
اۉتگن کوندن بیری پاکستان‌ده افغانستان ایلچیخانه‌سی اوشبو ناتینچ‌لیکلر طفیلی فعالیتینی توخته‌تگن و شونینگدیک، خلق‌ارا قاچقینلر تشکیلاتی افغانستان‌نینگ پاکستان‌ده‌گی قاچقینلریدن بو ناراضی‌لیکلر گه قۉشیلمسلیک‌لرینی سوره‌گن.
بیزلرنینگ «ایکس» ترماغی ده هم تعقیب قیلینگ!
سیاسی و خوفسیزلیک مسئله‌لر بیلرمانی عزیز استانکزی، پاکستان حکومتیدن اوشبو مملکت و افغانستان‌ده بو احوال گه دایر خواطرلر اوچون، پاکستان‌ده‌گی وضعیت گه چېک قوییشینی اېسته‌گن.
اونینگ کوپه‌یتیریشیچه: «پاکستان دولتی بو مملکت‌ده‌گی احوال‌نی باشقریشی کېره‌ک، بو احوال‌دن تورلی ساحه‌لرده افغانستان هم امان قالیشی اوچون.»
پاکستان سابق باش وزیری عمران‌خان، بو مملکت حکومتی تامانیدن نیچه ییریک قضیه‌گه عیبلنگن بیرحالده، اعتراضچیلر اونینگ تورمه‌خانه‌دن قوییب یوباریلیشی اوچون سعی-حرکت قیلماقده‌لر.
