افغانستان اولاق لیگهسی ییتینچی دوری، خارجی چاپندازلرنینگ حضوری بیلن مملکتنینگ تورلی ولایتلریدن ۱۱ جماعه اشتراکی بیلن باشلندی.
اوشبو لیگهنینگ آچیلیش مراسمی بوگون (۲۰-قوس/۱۱-دیسمبر، پنجشنبه) کابل شهری یکهتوت میدانیده اۉتکزیلدی و گروهی باسقیچ ایرتهدن رسمی طرزده باشلنهدی.
اوشبو مسابقه ۱۱ جماعه اشتراکی بیلن تورت گروهده اۉتکزیلهدی.
بیرینچی گروهده قندوز، فاریاب، بلخ؛ ایکینچی گروهده بدخشان، تخار، بامیان؛ اوچینچی گروهده سرپل، پنجشیر، سمنگان و تورتینچی گروهده اېسه بغلان و هرات بیللشهدی.
معلوماتلر گه کوره، جوزجان، میدانوردک و نورستان تیرمه جماعهلری اوشبو بیللشوولرده اشتراک اېتیشی کوتیلردی؛ بیراق نامعلوم دلیللر سبب اشتراک ایتمهگن و افغانستان اولاق فدراسیونی هم بوتوغریده هېچ نرسه دیمهگن.
اوتگن ییل، یماپترول اولاق جماعهسی بو بیللشوولرنینگ آلتینچی دوریده غالب بولگن اېدی.
