بیرلشگن ملتلر تشکیلاتی خوفسیزلیک کینگشی، اوشبو قویاش آی نینگ ۲۸-کونیده بیر ییغیلیش اۉتکزیب افغانستان وضعیتینی بحث گه آلیشی کوتیله‌دی.
بیرلشگن ملتلر تشکیلاتی خوفسیزلیک کینگشی نینگ بیانیه‌سی اساسیده، بو ییغیلیش نی اسلوونی تشقی ایشلر وزیری تانیا فاجون یېتکچیلیک قیله‌دی و مذکور ییغیلیشده افغانستانده بیرلشگن ملتلر تشکیلاتی باش کاتبی نینگ مخصوص وکیلی و یوناما باشلیغی رزا اوتونبایوا همده بیرلشگن ملتلر تشکیلاتی نینگ عیاللر بولیمی باشلیغی سیما باهوس و افغانستان مدنی جماعه‌چیلیگی نماینده‌لیگیدن بیر کیشی نطق سۉزلش‌لری کوتیله‌دی.
بو ییغیلیشده کوپراق افغانستانده اینیقسه اسلام امیرلیگی امر معروف و نهی منکر قانونی تصدیقلنگنیدن کېین خاتین قیزلر احوالی بحث گه آلینیشی اېتیله‌دی.
بیزلرنینگ فیسبوک صحیفه‌میزگه باش اورینگ!
سیاسی ایش بیلرمان محمد زلمی افغانیار پوپل نینگ ایتیشیچه: «اۉتگن اوچ ییلده افغانستان وضعیتینی تېکشیریش اوچون خلق‌ارا اونلب ییغیلیش اۉتکزیلدی اولردن بیرقطاری بیرلشگن ملتلر تشکیلاتی خوفسیزلیک کینگشی یېتکچیلیگیده اۉتکزیلدی، بیانیه صادر قیلیب و قاره له‌دیلر، اره‌لشوولرینی چیتده قوییش‌لری گه امید بیلدیره‌من.»
ایش بیلرمان‌لر نینگ تاکیدلشیچه، سۉنگی اوچ ییلده افغانستان وضعیتی گه دایر بیرلشگن ملتلر تشکیلاتی نینگ ییغیلیش‌لری حاضرگی قیینچیلیک‌لرنی نه‌فقط حل قیلمه‌گن بلکه سرپرست حکومت و بیرلشگن ملتلر تشکیلاتی اۉرته‌سیده قیینچیلیک کوپه‌یشی گه سبب بولگن؛ بیلرمان‌لر نینگ ایشانچی گه کوره، بو قیینچیلیک‌لر کوپراق افغانستان خلقی گه نقصان یېتکیزیب و نامعلوم سیاسی احوال بیلن دوچ قیلگن.
بیزلرنینگ «ایکس» ترماغی ده هم تعقیب قیلینگ!
سیاسی ایش بیلرمان‌لردن باشقه بیری نجیب‌الرحمان شمال گه کوره: «بو قرشی‌لیک‌لر دوام اېتگن حالده دنیا کوپراق تحریم قیلیب و یاردملرینی کمه‌یتیریش گه قرار قیلیشی ممکن بو افغانستان خلقی نینگ اونمی گه اېمس سرپرست حکومت حاضرگی قیینچیلیک‌لر حل اېتیلیشی اوچون تلاش قیلیشی گه امید بیلدیره‌من.»
اسلام امیرلیگی، بیرلشگن ملتلر تشکیلاتی خوفسیزلیک کینگشی نینگ کېله‌سی ییغیلیشی حقیده فکر-ملاحظه بیلدیرمه‌گن بولسه ده، بیراق بوندن آلدین نیچه مراتبه افغانستان گه دایر بو کبی ییغیلیش‌لر نتیجه بیریشی اوچون سرپرست حکومت وکیلی چقیریلیشینی اېسته‌گن.
