شمال زون افغان قیزیل آی جمعیتی ریاستیده مسئوللرنینگ ایتیشلریچه، بوگون (۵-اسد، یکشنبه)، اوشبو ولایت مرکزی مزارشریف شهریده، ۶۵۰ کمبغل عایله و ناگران کیشی گه نقد پول یاردم بیریلگن.
افغان قیزیل آی جمعیتینینگ شمال زون مسئولی محمدحنیف خالدنینگ ایتیشیچه، بو یاردملر قیزیل خاچ کمیتهسی (ICRC) آرقهلی تمویل بولیب و هر بیر عایلهگه ۲۵ مینگ افغانی ترقهتیلگن.
بیزلرنینگ «ایکس» ترماغی ده هم تعقیب قیلینگ!
خالد جنابلری، محتاج عایلهلرنی قوللب-قوتلش اوچون اوشبو نهاد یاردملری کینگهیشیگه تأکیدلب و محتاج عایلهلرنینگ شفاف جریان آرقهلی انیقلنگنینی ایتگن.
شوندهی بیرحالده، شمال زون افغان قیزیل آی جمعیتی ریاستیده مسئوللر، بو یاردملرنینگ کیلهجکده هم دوام قیلیشینی بیان قیلیب و ایتیشلریچه، کمبغل عایلهلر و طبیعی حادثهلر همده اوتگن اوروشلر قربانیلریدن حمایت قیلیش اوچون بیر قطار برنامهلری بار.
بیزلرنینگ فیسبوک صحیفهمیزگه باش اورینگ!
مذکور یاردملردن فایدهلنگن عایلهلردن قطاری خورسندلیک قیلیب، حکومت و یاردم بیرووچی نهادلردن کمبغل عایلهلرگه کوپینچه یاردملر ترقهتیلیشینی ایستهگنلر.
