نیچه ییلدن بویان سمنگان ولایتی فیروزنخچیر تومنیده للمی حاصلاتنی تهدید قیلهدیگن قوروقچیلیک آفتی، حاضر یوز بیرگن سونگی زلزله و سوو منبعلری قوریگنیدن کیین، بو تهدیدنی کوچهیتیرگن.
فیروزنخچیر تومنی یشاوچیلری، سوو منبعلری قوریگنیدن خبر بیریب و ایتیشلریچه، یوز بیرگن سونگی زلزله، سوو منبعلری قوریشیگه سبب بولیب و منطقهلرینینگ ترک قیلیشگه مجبور قیلگن.
فیروزنخچیر تومنی «قوشمحله» قیشلاغی یشاوچیلریدن نورباینینگ ایتیشیچه: «زلزله اویلر و سوو منبعلریگه زیان ییتیشتیردی. سوو قالمهگنی سبب، قیشلاغیمیز نی ترک قیلیب، بو چولگه خیمه اوریشگه مجبور بولدیک.»
مذکور تومن «قوشمحله» قیشلاغداری شیرمحمد، سوو بولمسدن حیات کیچیریشنینگ اولر اوچون قیینلیگینی بیان قیلیب و مسئول نهادلردن، اولرگه چقور قودوقلر قازیلیشینی سورهگن. «اهالینینگ اساسی قیینچیلیگی سوو دیر. حتا بو ییرگه کیلگنیمیزده هم سوو اوچ-تورت کیلومتر بیزلردن اوزاقده. اسلام امیرلیگی دن بیزلرگه چقور قودوق قازیلیشینی ایستهیمیز که سوو کملیگی قیینچیلیگی حل بولسین.»
بو قیشلاق یشاوچیلریدن باشقه بیری سید رسول، قودوقلرنینگ بوتونلی قوریگنینی بیان قیلیب و حکومتدن، اولرگه سوو منبعلری تامینلنیشینی سورهگن. «قودوقلر قوریگن. دولت بو قیینچیلیکنینگ حل قیلیشی کیرهک.»
فیروزنخچیر تومنی ولسوالی اورینباسری عبدالمنان اسلمی بو وضعیتنی تصدیقلب و ایتیشیچه: «قوروقچیلیک اهالی زراعتیگه ۸۰ فایز زیان ییتیشتیرگن. بوغدای، ارپه، کنجد و شرشم حاصل بیرمهیدی. اهالی چاروهچیگینینگ ۸۰ فایزی جبرلنگن؛ حیوانی آذوقه یوق.»
اسلمینینگ کوپهیتیریشیچه، یاردم بیرووچی نهادلر کمی جوده از بولیب و اهالینینگ کوپ شکلده مهاجرت قیلیشی آلدی آلینیشی اوچون موسسهلر آرقهلی دهقانلرگه تیزلیک بیلن یاردم بیریلیشی کیرهک.
ایتیش کیرهک که، قوروقچیلیک زلزله یوز بیرمسدن آلدین هم فیروزنخچیر تومنینی تهدید قیلهردی؛ بیراق یوز بیرگن سونگی زلزله بو تومن یشاوجیلرینی بوتونلی سوو تنقیصلیگی بیلن روپهره قیلگن که بو وضعیت قیشلاقلرده یشاوچی قالمسلیگیگه سبب بوله آلهدی.
مملکت شمالیده ۱۲-عقرب دوشنبه کونی ایرتهلب یوز بیرگن ۶.۳ درجه ریشترلیک زلزله، سمنگان ولایتی فیروزنخچیر تومنیدهگی دهقانلرگه هم زیان ییتیشتیرگن. مذکور زلزله نهفقط اوینینگ بوزیلیشیگه سبب بولگن، بلکیم سوو منبعلری قوریشی و یوزلب دهقان عایلهنینگ حیاتیگه تاثیر قویگن.
