بدخشان ولایتی بوییچه اوغلاق تیمی مسوول‌لری نینگ ایتیش‌لریچه، اوشبو ولایت اوغلاق تیمی نینگ «ستاره وخش» گه تانیلگن نایاب آتی زهر آرقه‌لی اولدیریلگن.
اوشبو آت بدخشان اوغلاق تیمی‌ده کوپینچه تانیلگن ایدی و کابلده یولگه قوییلگن سونگی اوغلاق بیلشوویده کوچلی شکلده عمل قیلیشی اونینگ شهرتی کوپه‌یشی‌گه سبب بولگن ایدی.
بدخشان اوغلاق تیمی نینگ مذکور کوچلی آتی نینگ اولدیریلگنی اجتماعی ترماقلرده کوپینچه واکنش‌لر بیلن روپه‌ره بولگن.
بدخشان ولایتی بوییچه اوغلاق فدراسیونی مسوولی حاجی محمدطاهر نینگ سلام‌وطندارگه ایتیشیچه، اوشبو آت مالکی تامانیدن ۵۳ مینگ آمریکالیک دالر ساتیب آلینگن ایدی. جناب طاهرگه کوره، مذکور آت اوغلاق بیلشوولریده یخشی شکلده عمل قیلگنی سبب، بهاسی ۹۵ مینگ دالرگه ییتیشگن ایدی.
جناب طاهر نینگ کوپه‌یتیریشیچه، مذکور آت نینگ مالکی ستاره وخش نی اونگه ایمس، بلکیم بدخشان اهالیسی گه تیگیشلی بولگنی گه ایشانه‌ریدی.
ستاره وخش زهر آرقه‌لی اولدیریلگن و حاضرگه‌قدر کیم‌لر تامانیدن اولدیریلگنی معلوم ایمس.
