فاریاب امنیتی مسوول‌لری نینگ ایتیش‌لریچه، اوشبو ولایت نینگ قرم‌قول تومنی‌نی پولیس قومندانی طالبان هجومی سبب، هلاک ایتیلگن.
فاریاب پولیس قومندانلیگی سوزلاوچیسی عبدالکریم یورش نینگ سلام‌وطندارگه ایتیشیچه، اوتگن کیچه اوشبو ولایتده امنیتی کوچلر و طالبان آره‌سیده یوز بیرگن آتیشمه نتیجه‌سیده، قرم‌قول تومنی نینگ پولیس قومندانی صفر رئیس هلاک ایتیلگن.
جناب یورش‌گه کوره، بو واقعه‌ده قرم‌قول پولیس قومندانی نینگ ۴ قوروقچیسی هم هلاک ایتیلگن.
شونینگدیک، مارشال عبدالرشید دوستم گه یقین منبع‌لرنینگ ایتیش‌لریچه، قرم‌قول پولیس قومندانی هلاک ایتیلگنی‌دن سونگ، مارشال دوستم فاریاب ولایتی نینگ اندخوی تومنی‌گه بارگن.
ایتیلیشیچه، قرم‌قول پولیس قومندانی صفر رئیس، مارشال عبدالرشید دوستم گه وفادار بولگن قومندانلردن ایکن.