ملی خوفسیزلیک عمومی ریاستی نینگ ایتیشیچه، مذکور ریاست خاص کوچلری نینگ بیر عملیاتی نتیجه‌سیده، حقانی ترماغی و داعش گروهی نینگ ۵ کیش‌لیک بیر هسته‌سی کابل شهریدن قولگه آلینگن.
بوگون (یک‌شنبه ۳- حوت) ملی خوفسیزلیک عمومی ریاستی بیر خبرنامه ترقه‌تیب ایتیشیچه، حقانی و داعش گروهی نینگ اوشبو اعضالری کابل شهری نینگ ۱۷- ناحیه‌سیدن قولگه آلینگن.
خبرنامه‌ده کیلیشیچه، مذکور کیشی‌لرنینگ آتی جاوید، احمدمرید، روح‌الله، عبدالحفظ و عبدالجبار دیر کیم اولر عبدالعلی مزاری نینگ ترور ایتیلگن ییلی نی ایسلش مراسمی و کابل و بگرام هوا قونالغه‌لری اوستیگه آتیلگن راکتلر حقیده عیب‌لنگن.
شونینگدیک ملی خوفسیزلیک عمومی ریاستی نینگ ایتیشیچه، باشقه ترورچیلیک گروه‌لرنینگ شهری هسته‌لرینی بیللی قیلگن و اولر تیزلیککه قولگه آلینیب یا-ده هجوم آستیده آلینه‌دیلر.
قویاش ۱۳۹۷- ییل ۱۶- حوت کابل ده عبدالعلی مزاری نینگ ترور ایتیلگن ییلیدن ایسلش اوچون یولگه قوییلگن مراسم راکتی هجوم آستیده آلیندی. بو هجوم‌ده کمیده ۱۱ تینچ‌اهالی هلاک و باشقه ۹۵ کیشی یره‌لندی.
شونینگدیک قویاش ۱۳۹۸- ییل ۱۶- حوت کابل شهری نینگ ۶- ناحیه‌سیده عبدالعلی مزاری ترور ایتیلگنی نینگ ۲۵- ییل‌لیگی نی ایسلش اوچون یولگه قوییلگن مراسم قوراللی هجوم گه دوچ کیلدی کیم بو هجوم‌ده ۳۲ کیشی هلاک و باشقه ۸۱ کیشی یره‌لندی.