مملکت ایچکی ایشلر وزیری محمدمسعود اندرابی، بوگون کابل ده «دولت نینگ ملت گه حساب بیریش» برنامه‌سیده ایتیشیچه، عیال پولیس‌لرنینگ کیله‌جک برنامه‌سینی تیارله‌گنلر. جناب اندرابی گه کوره، بو برنامه اساسیده، عیال پولیس‌لرنینگ سانی ۱۰ مینگ کیشی گه ییتیشیشی ممکن.
حاضر مملکتده ۴ مینگ عیال پولیس وظیفه اوتکزیب کیلماقده. ایچکی ایشلر وزیری نینگ ایتیشیچه، عیال پولیس‌لر سانی کوپه‌یشی ایچکی ایشلر وزیرلیگی تامانیدن تیارلنگن ینگی ریجه نینگ بیر بولیمی دیر کیم میلادی ۲۰۲۴- ییل گچه عمل گه آشیریلیشی ممکن.
ایچکی ایشلر وزیری نینگ کوپه‌یتیریشیچه، افغانستان نفوسی نینگ یریمی نی عیاللر تشکیل بیره‌دی و عیاللر ایشلری حل ایتیلیشی و اولرگه خذمتلر ترقه‌تیلیشی اوچون عیال پولیس‌لرنینگ سانی کوپه‌یشی کیره‌ک.
بوندن آلدین ایچکی ایشلر سابق وزیری محمد عمر داوودزی، عیال پولیس‌لرنینگ سانی ۱۰ مینگ گه یتیشیشی توغریسیده سوز بیرگن ایدی.
