هرات ولایتی محلی رسمی‌لری، تورکیه نینگ هرات ده سوو تاشقین‌لری طفیلی جبرلنگنلر اوچون توقیزینچی انسان پرورلیک یاردملری هرات گه یېتیب کېلگنیدن خبر بیرگنلر.
هرات ولایتی اقتصاد باشلیغی عبدالقدیر حاجی ناصر نینگ سلام‌وطندار گه ایتیشیچه، بو یاردملر ۲۲-جوزا، سه‌شنبه کونی، هرات گه یېتیب کېلگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه، تورکیه نینگ ۶۲۰ تُنلیک آزیق-آوقت و باشقه نرسه دن عبارت بو یاردملری تیمیر یولی آرقه‌‌لی تورغندی بندری ده باغلیق مسئوللر گه تاپشیریلگن.
بو یاردملردن بیر مقداری هرات ولایتیده سوو تاشقین‌لریدن جبرلنگنلر اوچون و باشقه بیر مقداری اوشبو ولایت گه قیتگن قاچقینلر گه توزیع بولیشی ممکن دیېدی، هرات ولایتی اقتصاد باشلیغی.
بیزلرنینگ «ایکس» ترماغی ده هم تعقیب قیلینگ!
تورکیه نینگ انسان پرورلیک اوشبو یاردملری اون، خیمه، کمپل، ویلچر، طبی امکانیت و باشقه ضروری ماده‌لردن عبارت دیر.
تورکیه بوندن آلدین ۵-قوس، یک‌شنبه کونی هرات ده زلزله دن جبرلنگنلر همده ایران و پاکستان دن قیتگن قاچقینلر اوچون ۵۰۰ تُنلیک یاردم بیرگن اېدی.