سرپرست حکومت ساغلیق‌نی سقلش وزیرلیگی مسئوللری، مملکت ۱۶ ولایتیده باله‌لر فلجی (پولیو) گه قرشی ایملش ملی فرعی کمپاین یولگه قوییلگنینی معلوم قیلگنلر.
بیزلرنینگ فیسبوک صحیفه‌میزگه باش اورینگ!
مملکت ساغلیق‌نی سقلش وزیرلیگی سۉزلاوچیسی شرافت زمان امرخیل گه کوره، بوگون (۷-عقرب، دوشنبه) کابل، قندهار، ارزگان، زابل، فراه، ننگرهار، لغمان، کنر، نورستان و باشقه بیرقطار ولایت‌لر همده جنوب، جنوب‌شرق، شرق، غرب و شمال‌شرق حدودلرده پولیو گه قرشی ایملش ملی فرعی کمپاین یولگه قوییلگن.
ساغلیق‌نی سقلش وزیرلیگی سۉزلاوچیسی، بو کمپاین اوچ کونگچه دوام تاپیب و بیش یاشنی تولدیرمه‌گن ۶.۲ میلیون باله ایملنیشینی اېتگن.
مذکور وزیرلیک سۉزلاوچیسی آته-آنه‌لر، دین عالملری و قوم بویوکلریدن، پولیو گه قرشی ایملش کمپاینده اوشبو وزیرلیک نینگ واکسیناتورلری بیلن همکارلیک قیلیش‌لرینی سورهگن.
بیزلرنینگ «ایکس» ترماغی ده هم تعقیب قیلینگ!
ساغلیق‌نی سقلش وزیرلیگی مسئوللری نینگ کوپه‌یتیریشیچه، مملکت ده پولیو هېچ مثبت واقعه‌سی ثبت بولمه‌گن بولسه ده بیراق بو وزیرلیک پولیو گه قرشی ایملش کمپاینی آرقه‌لی اوشبو کسللیکنی آلدینی آلیش مقصدیده سعی-حرکت قیلماقده.
