احصائیه و معلومات ملی اداره مسئوللری، بوگون (۱۷-اسد، چهارشنبه) امارت اداره‌لری نینگ ییل‌لیک یوتوق‌لرینی پایله‌شیش برنامه ده، اوشبو اداره نینگ مملکت اجتماعی و اقتصادی احوالی گه دایر یوتوق‌لری حقیده تورلی خیل معلومات‌لرنی یېتکرمه‌لر بیلن شریک قیلدیلر.
بو اداره مسئوللری، قویاش ۱۴۰۲-ییلده مملکت هر بیر فقراسی نینگ ییل‌لیک درآمدی ۴۹۳ دالر بولگنینی اېتگنلر.
ملی احصائیه و معلومات ملی اداره اۉرین باسری عصمت‌الله حکیمی گه کوره: «قویاش ۱۴۰۲-ییلده مملکت هر بیر فقراسی نینگ ییل‌لیک درآمدی ۱۴۰۱-ییل گه نسبتن ۷۰ دالر آشگن.»
بونگه قۉشیمچه احصائیه و معلومات ملی اداره مسئوللری، قویاش ۱۴۰۲-ییلده مملکت نینگ ایچکی ناخالص تولیدی ۱۴۰۱-ییل گه نسبتن ۱۷.۲۳ میلیارد دالر یعنی ۲.۷ فایز آشگنینی معلوم قیله‌دیلر.
بیزلرنینگ فیسبوک صحیفه‌میزگه باش اورینگ!
برچه‌سی بیلن احصائیه و معلومات ملی اداره مسئوللری، مملکت اهالیسی رقمینی ۳۵.۷ میلیون کیشی برآورد قیلگن. اولر، مملکت اهالیسی انیق رقیمینی انیقلش اوچون اولکه بویلب تېکشیریلیش اۉتکزیلیشی اوستیگه تأکید اېته‌دیلر.
احصائیه و معلومات ملی اداره اۉرین باسری عصمت‌الله حکیمی نینگ کوپه‌یتیریشیچه: «اوشبو ییلده مملکت فقرالری نینگ رقمی ۳۵.۷ کیشی برآورد بولگن اولر نینگ ۱.۵ میلیونی کوچی، ۹.۲ میلیونی شهری و باشقه ۲۵ میلیونی قیشلاقی دیر.»
سۉنگی بیر ییلده اوچ میلیون ۲۶۵ مینگ کیشی گه الکترونیکی کیم‌لیک توزیع قیلیش، ۱۰۰ مینگ دن آرتیق کیشی گه الکترونیکی کیم‌لیک توزیع بولیشیدن سۉنگ خذمت کورسه‌تیش، کابلده ۵۴۰ مینگ کیشی و ولایت‌لرده ۲.۵ میلیون کیشی گه قاغذی کیم‌لیک خذمت کورسه‌تیلیشی، بو اداره نینگ باشقه یوتوق‌لریدن دیر.
بیزلرنینگ «ایکس» ترماغی ده هم تعقیب قیلینگ!
شونینگدیک، آزیق-آوقت، ساغلیق و ایش کوچی احوالینی تېکشیریش بولیمیده باغلیق اداره‌لر و تشکیلات‌لر بیلن همکارلیک قیلیش، بو اداره نینگ اۉتگن ییلده‌گی یوتوق‌لریدن سنله‌دی.
احصائیه و معلومات ملی اداره، اوشبو خذمت‌لر آرقه‌لی ایکّی میلیارد افغانیدن کوپراق درآمد قیلگن.
مذکور اداره نینگ عمومی باشلیغی فقیرمحمد زیار نینگ ایتیشیچه: «احصائیه و معلومات ملی اداره‌سی قویاش ۱۴۰۲-ییلده تورلی ساحه‌لرده ایکّی میلیارد ۵۱۲ میلیون ۸۵۰ مینگ افغانی درآمد قیلیب و دولت خزینه‌سیگه تولهگن.»
مملکت مقیاسیده حاضرگه قدر کمبغل‌لر بارلیگی و مملکت فقرالری نینگ یریمی انسان پرورلیک یاردملر گه محتاج بولگنی بیرحالده، احصائیه و معلومات ملی اداره‌سی مملکت نینگ اقتصادی و اجتماعی وضعیتی گه دایر یوتوق‌لرینی پایلشگن.