مخابرات و تکنالوژی معلوماتی وزیرلیگی مسئوللری، بوگون (۲۳-عقرب، چهارشنبه) حکومت یېتکرمه‌لر مرکزیده اۉتکزیلگن ییغیلیش‌ده، افغانستان بویلب مخابرات و انترنت خذمت‌لری اوچون ینگی نرخ تعیین قیلینگنیدن خبر بیرگنلر.
مخابرات و تکنالوژی معلوماتی وزیرلیگی، مخابرات و انترنت خذمت‌لری اوچون ینگی نرخ تعیین قیلیش بیلن، قونغیراق‌لر نرخی‌ده ۳۰ دن ۳۶ فایز، کتبی پیام‌لر نرخی‌ده ۶۰ دن ۶۸ فایز و هر بیر جی‌بی انترنت فعال قیلیش نرخی‌ده ۱۴ فایز کمه‌ییش کېلتیرگن.
بیزلرنینگ فیسبوک صحیفه‌میزگه باش اورینگ!
اوشبو وزیرلیک سرپرستی نجیب‌الله حیات گه کوره، ینگی نرخ یشاوچیلر نینگ اېسته‌گی و شرکت‌لر آره‌سیده سالم رقابت و قولی‌لیک یره‌تیلیشی مقصدیده تعیین اېتیلگن.
مخابرات وزیرلیگی گه کوره، ینگی نرخ‌لر میلادی کېله‌سی ییل باشله‌نیشیدن سونگ عملی بوله‌دی، شونی اوچون برچه مخابراتی ترماق‌لر قالگن بیر یریم آی ایچیده بو معیارلر بیلن اوزلرینی عیار قیلیشی کېره‌ک.
حیات حقانی جنابلری‌نینگ ایتیشیچه، ینگی نرخ‌لر تعیین اېتیلیشی بیلن بوتون مخابراتی ترماق‌لرنینگ مجازلری اوچون قولی‌لیک یره‌تیلیب و اولر نیچه سیمکارت آلیش گه مجبور بولمه‌یدیلر.
بیزلرنینگ «ایکس» ترماغی ده هم تعقیب قیلینگ!
اوشبو ییغیلیش‌ده، مخابرات و تکنالوژی معلوماتی وزیرلیگی سۉزلاوچیسی جلال‌الدین شمس، حاضرگی کونده افغانستان مقیاسیده ثبت بولگن ۲۶ میلیون سیمکارت‌دن یالغیز ۱۴ میلیونی راجستر بولگنینی معلوم قیله‌دی.
اولکه یشاوچیلری مخابراتی ترماق‌لرنینگ صفتی پس‌لیگی و نرخی قیمت‌لیگیدن شکایت قیلگن بیرحالده، مخابرات و تکنالوژی معلوماتی وزیرلیگی انترنت و مخابراتی خذمت‌لر اوچون ینگی نرخ تعیین‌لنگنیدن خبر بیره‌دی.
