اسلام امیرلیگی قاچقینلر وزیرلیگی، افغانستان ده باشپنه توغریسیدهگی قانون لایحهسی یکونلنگنی و یقین کونلرده عدلیه وزیرلیگیگه یوباریلیشینی بیان قیلگن.
مذکور وزیرلیکنینگ بوگون (۲۴-سرطان، چهارشنبه)، اکس صحیفهسیده یازیشیچه، باشپنه توغریسیدهگی قانوننی یکونلش بوییچه ییغیلیش، قاچقینلر وزیرلیگینینگ مسلکی معینی عبدالرحمان راشد باشچیلیگیده همده ایچکی ایشلر، تشقی ایشلر و عدلیه وزیرلیکلری بیلن عالی محکمه و استخبارات ریاستی وکیللری اشتراکیده اوتکزیلگن.
قاچقینلر وزیرلیگیگه کوره، بو قانون قاچقینلرنینگ اسلامی و شرعی حقوقی نظرگه آلینیشی بیلن، اولرنینگ باشپنه آلیش حقینی تامینلشی کیرهک.
بوندن آلدین بیرلشگن ملتلر تشکیلاتی، افغانستان دنیا ده اینگ بویوک آوارهلیک بحرانلریدن بیری بیلن روپهره بولگنینی بیان قیلگنی بیرحالده، باشپنه قانونی عدلیه وزیرلیگیگه یوباریلماقده.
