بوگون کابل بیلیم یورتی‌ده عالی اوقوو وزیرلیگی تامانیدن تحصیلی توزوم کوچله‌نیشی مقصدیده اوچ کون‌لیک کنفرانس یولگه قوییلدی.
مذکور کنفرانس‌ده اوقوو دستوری، صفتینی تأمینلش، علمی تدقیقات، آنلاین تعلیم بیریش و تحصیلی توزوم نینگ کوچلنتیریلیشی و باشقه نیچه مورد خصوصیده بیلیم یورت اوقیتووچیلری آرقه‌لی کمیده ۷۵ مقاله ارائه بولگن.
مذکور کنفرانس نینگ آچیلیش دستوری‌ده کابل بیلیم یورت رئیسی اسامه عزیز نینگ ایتیشیچه: «نیچه آی‌دن بیری مقاله‌لر نینگ توپلنیش پروسه‌سی باشلنگن و بیزلر اوچون هم مملکت نینگ تورلی بیلیم یورت‌لریدن قریب ۷۵ مقاله ییتیشگن.»
بیزلرنینگ فیسبوک صحیفه‌میزگه باش اورینگ!
مذکور کنفرانس‌ده اسلام امیر‌لیگی مملکت‌ده عالی اوقوو رواجلنیشی اساسیده، اوشبو حکومت نینگ تعهدی خصوصیده ایشانچ بیرگن.
عالی اوقوو وزیرلیگی سرپرستی ندامحمد ندیم نینگ ایتیشیچه: «علم ارزشی گه اخلاصینگیز بار، بیلیم یورت‌لر نی علمی و معنوی نطقه نظردن و بیلیم یورت‌لر نینگ ظاهری نقطه نظری‌دن یخشی‌لنیشی اوچون سعی و حرکت قیلیشی‌میز کیره‌ک. شونینگدیک بو توغریده بیزلر و سیزلر هم مکلفیت‌لریمیز نینگ توجه قیلیشی‌میز کیره‌ک.»
عین حالده، اسلام امیر‌لیگی رسمی‌لریدن بیر قطاری شونینگدیک عالی اوقوو سیستمی‌دن تنقید‌لب و قیته کوریلیشی نی ایسته‌گنلر.
مذکور کنفرانس‌ده نطق سوزله‌گن عامه ساغلیق وزیرلیگی سرپرستی قلندر عباد نینگ ایتیشیچه: «طلبه‌لر طب بولیمی‌دن فارغ بولگنلر، بیراق تحصیل‌لری جریانیده اصلا کسل‌خانه و کسل‌لر نی کوزلری بیلن کورگنلری یوق.»
شونینگدیک اوشبو کنفرانس‌ده معلومات و مدنیت وزیرلیگی معینی عتیق‌الله عزیزی نینگ ایتیشیچه: «اساسی نیازی‌میز شو که، اوشبو تحصیلی سیستم نینگ قیته کوریلیشی کیره‌ک. چونکه ساینس و تکنالوژی بیر شکلده توختمه‌گن. اوتمیش بیر دهه‌ده‌گی سیستم نی ادامه بیرماقده‌میز.»
قیز طلبه‌لردن قطاری بیلیم یورت‌لردن محروم بولیب و کیله‌جکلری نابیللی بیر شکلده قرار تاپگنی و اوشبو وضعیت دنیا جماعه نینگ عکس‌العمل‌لری و تنقید‌لری بیلن روپه‌ره بولگنی بیرحالده، اسلام امیر‌لیگی مسئوللری افغانستان تحصیلی توزومی یخشی بولیشی خصوصیده بحث و رای‌زنلیک قیلماقده‌لر.
بیزلرنینگ توییترده هم تعقیب قیلینگ!
اوشبو کنفرانس‌ده اسلام امیر‌لیگی نینگ اداره ایشلر بوییچه ریاست رئیسی نورالحق انور نینگ اورغولشیچه، اسلام امیر‌لیگی باشقه‌لر نینگ ایسته‌کلری گه توجه قیلمه‌یدی.
اونینگ ایتیشیچه: «دنیا بیلن یخشی تعامل قیلیش نی ایسته‌یمیز، بیراق فکر استقلالی‌میز نی قولدن بیره آلمه‌یمیز و اولر نینگ یالغان دعوا‌لری گه الدنه آلمه‌یمیز.»
ایتیش کیره‌ک که، اوتگن بیر ییریم ییل‌ده اسلام امیر‌لیگی تامانیدن یره‌تیلگن چیکلاو‌لر و بیر قطاری اقتصادی قیین‌چیلیک‌لر سبب، خصوصی بیلیم یورت‌لردن قطاری فعالیت‌لری نی توخته‌تگنلر.